Women’s Premier League: महिला प्रीमियर लीग 2024 चा एलिमिनेटर सामना रॉयल चॅलेंजर्स बंगळुरु आणि मुंबई इंडियन्स यांच्यात दिल्लीतील अरुण जेटली स्टेडियमवर खेळला गेला. या सामन्यात आरसीबीच्या कर्णधाराने नाणेफेक जिंकून प्रथम फलंदाजी करण्याचा निर्णय घेतला होता. या सामन्यात रॉयल चॅलेंजर्स बंगळुरुने मुंबई इंडियन्सचा पराभव करत अंतिम सामन्यात प्रवेश केला आहे. यासह बंगळुरु संघाने अंतिम फेरीत धडक मारली आहे. जिथे त्यांचा सामना 17 मार्चला दिल्ली कॅपिटल्सशी होणार आहे.
बंगळुरु संघाने नाणेफेक जिंकून प्रथम फलंदाजी करण्याचा निर्णय घेतला. त्यांचा हा निर्णय चुकीचा ठरला. 84 धावांवर संघाचे 5 फलंदाज पॅव्हेलियनमध्ये गेले होते. एलिस पेरीने एकटीने संघर्ष केला आणि 50 चेंडूंचा सामना करत 66 धावा केल्या. तिच्याशिवाय अन्य कोणत्याही फलंदाजाला मोठी खेळी खेळता आली नाही. हेली मॅथ्यूज, नॅट सायव्हर-ब्रंट आणि सायका इशाक यांनी प्रत्येकी 2 बळी घेतले. प्रत्युत्तरात मुंबई संघाला केवळ 130 धावा करता आल्या.
हेही वाचा – आजपासून काम करणार नाही पेटीएम पेमेंट बँक, काय चालेल आणि काय नाही ते जाणून घ्या
FINAL BERTH ✅@RCBTweets join the @DelhiCapitals for a shot at the ultimate prize 🏆#TATAWPL | #MIvRCB | #Eliminator pic.twitter.com/R0YL3bE9EP
— Women’s Premier League (WPL) (@wplt20) March 15, 2024
पेरीने आपल्या खेळीत 8 चौकार आणि 1 षटकार लगावला. त्याचा स्ट्राइक रेट 132.00 होता. या मोसमातील तिचे हे दुसरे अर्धशतक ठरले. ती WPL 2024 मध्ये सर्वाधिक धावा करणारी खेळाडू देखील आहे. तिने 8 सामन्यांच्या 8 डावात 62.4 च्या सरासरीने आणि 130.54 च्या स्ट्राईक रेटने 312 धावा केल्या आहेत. तिची सर्वोत्तम धावसंख्या 66 धावा आहे.
6⃣6⃣ Runs
5⃣0⃣ Balls
8⃣ Fours
1⃣ SixEllyse Perry put on a super show with the bat in the #TATAWPL #Eliminator 👏 👏 #MIvRCB | @EllysePerry | @RCBTweets
Relive her knock 🎥 🔽
— Women’s Premier League (WPL) (@wplt20) March 15, 2024
मुंबई इंडियन्सची फलंदाजी: 20 षटकांत 136 धावांचे आव्हान पेलण्यासाठी मैदानात उतरलेल्या हरमनप्रीतच्या कर्णधार असलेल्या मुंबई इंडियन्सची सुरुवात विशेष झाली नाही आणि 27 धावांच्या स्कोअरवर संघाने फॉर्मात असलेला फलंदाज हेली मॅथ्यूजची महत्त्वाची विकेट गमावली. हेली मॅथ्यूजने 14 चेंडूत 15 धावांची खेळी खेळली. यानंतर 50 धावांपर्यंत मजल मारताना मुंबई इंडियन्सची दुसरी सलामीवीर फलंदाज यस्तिका भाटियाही मोठी खेळी खेळू शकला नाही.
हेही वाचा – IPL 2024: आयपीएल 2024 साठी मुंबईची खेळाडूंची यादी: मुंबई इंडियन्सचा संपूर्ण संघ येथे पहा
भाटियाने 27 चेंडूत 19 धावांची अत्यंत संथ खेळी खेळली. यानंतर कर्णधार हरमनप्रीत कौरने 30 चेंडूत 33 धावा केल्या. त्याला साथ देणाऱ्या नेट सायव्हर-ब्रंटनेही 17 चेंडूंत 23 धावांची खेळी केली. बंगळुरूकडून श्रेयंका पाटीलने 2 बळी घेतले. फलंदाजीत ताकद दाखवणाऱ्या एलिस पेरीने गोलंदाजीत अष्टपैलू कामगिरी करत तिच्या खात्यात 1 बळी घेतला. तर जॉर्जिया वेअरहॅमनेही 1 बळी घेतला.