Kangana Ranaut: बॉलिवूड अभिनेत्री कंगना रणौत निवडणूक लढवणार असल्याच्या चर्चा सातत्याने सुरू आहेत. मात्र, आता तिच्या वडिलांनी या चर्चांना पूर्णविराम दिला आहे. कंगनाच्या वडिलांनी ती लोकसभा निवडणूक लढवणार असल्याचे सांगितले आहे. मात्र, मुलगी कंगनाने कुठून निवडणूक लढवायची याचा निर्णय भाजप घेईल, असे तिच्या वडिलांनी सांगितले.
अभिनेत्री कंगना राणौतचे वडील अमरदीप यांनी स्पष्ट केले आहे की, कंगना भाजपच्या तिकिटावरच निवडणूक लढवणार असली तरी ती निवडणूक कुठून लढवायची हे पक्ष नेतृत्वाला ठरवायचे आहे. मोठी गोष्ट म्हणजे कंगनाने दोन दिवसांपूर्वी भाजपचे राष्ट्रीय अध्यक्ष जेपी नड्डा यांची कुल्लू येथील घरी भेट घेतली होती. या बैठकीनंतर ते निवडणूक लढवणार असल्याच्या चर्चेला आणखी जोर आला होता. मात्र आता कंगना निवडणूक लढवणार असल्याचे तिच्या वडिलांनी स्पष्ट केले आहे. Gautami Patil: चर्चा तर होणारच! गौतमी पाटीलचं नवं गाणं प्रदर्शित
View this post on Instagram
गेल्या आठवड्यात हिमाचलच्या बिलासपूरमध्ये राष्ट्रीय स्वयंसेवक संघातर्फे सामाजिक भेटीचा कार्यक्रम आयोजित करण्यात आला होता. यात कंगनानेही सहभाग घेतला होता आणि आरएसएसची विचारधारा तिच्या विचारसरणीशी जुळते असे म्हटले होते. कंगना मंडी लोकसभा मतदारसंघातून किंवा चंदीगडमधून निवडणूक लढवणार असल्याच्या चर्चा आहेत. IPL Auction: कधी, कुठे आणि कोणत्या वेळी पाहू शकाल LIVE आयपीएल लिलाव?
अभिनेत्री कंगना राणौत ही मूळची मंडी जिल्ह्यातील सरकाघाट विधानसभा मतदारसंघातील भांबला गावची रहिवासी आहे. मनालीमध्ये तिने स्वतःचे घरही बांधले आहे. काही महिन्यांपूर्वी कंगना रणौतने गुजरातमधील द्वारका येथे प्रसारमाध्यमांशी बोलताना स्पष्ट केले होते की, जर देवाचा आशीर्वाद असेल तर ती नक्कीच निवडणूक लढवेल. यानंतर कंगना निवडणूक लढवणार असल्याची चर्चा सुरू होती. भूकंपाने चीन हादरला! 111 लोकांचा मृत्यू, 200 हून अधिक जखमी