‘लाडकी बहीण योजने’चा हफ्ता ‘या’ दिवशी मिळणार; महिला व बालविकास मंत्री आदिती तटकरे यांनी दिली माहिती 

मुंबई : राज्य शासनाची महत्त्वाकांक्षी ‘मुख्यमंत्री – माझी लाडकी बहीण’ योजनेचा पुढील हप्ता 26 जानेवारीपर्यंत देण्यात येणार आहे, अशी माहिती महिला व बालविकास मंत्री आदिती तटकरे यांनी आज मंत्रालयात मंत्रीपरिषद बैठकीनंतर पत्रकारांशी संवाद साधताना दिली.

मंत्री कु. तटकरे म्हणाल्या की, राज्य शासनाने ‘मुख्यमंत्री – माझी लाडकी बहीण’ योजनेसाठी पात्र ठरलेल्या महिला लाभार्थ्यांना जुलै महिन्यापासून लाभ वितरीत करण्यास सुरुवात केली. त्यानुसार योजनेचा पुढील हप्ता 26 जानेवारीपर्यंत थेट लाभ हस्तंतरणाद्वरे (डी बी टी द्वारे) पात्र महिला लाभार्थ्यांना हस्तांतरित करण्यात येणार आहे. यासाठी ३ हजार ६९० कोटी इतक्या रकमेला मंजुरी देण्यात आली आहे.

ख्यमंत्री माझी लाडकी बहीण योजना ही महाराष्ट्र शासनाने जुलै २०२४ मध्ये सुरू केलेली एक महत्त्वाकांक्षी योजना आहे, ज्याचा उद्देश राज्यातील आर्थिकदृष्ट्या दुर्बल महिलांना आर्थिक मदत आणि सक्षमीकरण प्रदान करणे आहे.

योजनेची वैशिष्ट्ये

आर्थिक मदत: पात्र महिलांना दरमहा ₹१,५०० ची आर्थिक मदत थेट त्यांच्या बँक खात्यात जमा केली जाते.

लाभार्थींचा वयोगट: २१ ते ६५ वर्षे वयोगटातील विवाहित, विधवा, घटस्फोटित आणि निराधार महिला या योजनेच्या लाभासाठी पात्र आहेत.

उत्पन्न मर्यादा: कुटुंबाचे वार्षिक उत्पन्न ₹२.५ लाखांपेक्षा कमी असणे आवश्यक आहे.