अभिनेत्री शिल्पा शेट्टीचा पती बिझनेसमन राज कुंद्रा सध्या अनेक खुलासे करण्यात व्यस्त आहे. राज कुंद्राचा ‘UT-69’ हा चित्रपट लवकरच प्रदर्शित होणार आहे. सतत मास्क घातलेल्या राज कुंद्राने आता मास्क घालणे बंद केले आहे. चित्रपटाचा ट्रेलर लॉन्च झाल्यानंतर अवघ्या दोन दिवसांनी त्याने त्याच्या सोशल मीडिया हँडलवर एक धक्कादायक पोस्ट शेअर केली आहे.
शिल्पा शेट्टीचा पती राज कुंद्रा याने पोस्टमध्ये लिहिले की, ‘आम्ही वेगळे झालो आहोत आणि या कठीण काळात आम्हाला वेळ द्यावा ही नम्र विनंती.’ शिल्पा शेट्टीच्या पतीची ही पोस्ट सर्वांचे लक्ष वेधून घेत आहे. राज कुंद्रा असे का म्हणाले असा प्रश्न लोकांना पडला आहे. अनेक लोक याचा संबंध शिल्पा शेट्टीशीही जोडत आहेत. शिल्पा आणि राज कुंद्रा वेगळे झाले की काय असा प्रश्न लोकांना पडला आहे. चाहत्यांच्या सततच्या प्रश्नांची उत्तरे राज कुंद्रा किंवा शिल्पा शेट्टीने अद्याप दिलेली नाहीत. अशा परिस्थितीत राज कुंद्रा यांनी ही पोस्ट कोणत्या संदर्भात केली आहे हे सांगता येत नाही.
We have separated and kindly request you to give us time during this difficult period 🙏💔
— Raj Kundra (@onlyrajkundra) October 19, 2023
हेही वाचा – World Cup 2023: ‘ही’ टीम जिंकणार 2023 चा वर्ल्ड कप, कंगना राणौतची भविष्यवाणी
दरम्यान, शिल्पाने तिच्या सोशल मीडिया हँडलवर असे काहीही शेअर केलेले नाही. त्याचबरोबर अनेकांना असेही वाटते की शिल्पा शेट्टीचा पती राज कुंद्रा आपल्या चित्रपटाच्या प्रमोशनसाठी हे सर्व करत आहे. अशा परिस्थितीत चाहते शिल्पा शेट्टीच्या स्पष्टीकरणाची वाट पाहत आहेत. राजची ही पोस्ट त्याच्या पहिल्या चित्रपट ‘UT 69’ चा ट्रेलर लॉन्च झाल्यानंतर दोन दिवसांनी आली आहे.
मात्र, अलीकडेच शिल्पा शेट्टीचा पती राज कुंद्राने ट्रेलर लॉन्चदरम्यान अनेक खुलासे केले होते. त्याने सांगितले होते की तो मास्क फक्त चर्चा निर्माण करण्यासाठी घातला होता आणि आता तो मास्क घालणार नाही. काल तो अमृतसरला जाताना विमानतळावर दिसला. तो चित्रपटाच्या प्रमोशनसाठी आणि सुवर्ण मंदिरात दर्शनासाठी गेला होता.