Masturbution Side Effects: तरुणांनो, हस्थमैथुन शरीरासाठी किती घातक? जाणून घ्या संपूर्ण माहिती

आजच्या धावपळीच्या जीवनशैलीत अनेक तरुण मानसिक आणि शारीरिक तणावाखाली आहेत. या तणावातून बाहेर पडण्यासाठी अनेकजण विविध मार्गांचा अवलंब करतात. यामध्ये एक सामान्य आणि नैसर्गिक मानली जाणारी कृती म्हणजे हस्थमैथुन (Masturbation). मात्र समाजामध्ये याबाबत अनेक गैरसमज पसरलेले आहेत. विशेषतः तरुण पिढीत हे विषय अजूनही एक ‘गुपित’ म्हणून पाहिले जातात. या लेखातून आपण जाणून घेणार आहोत की हस्थमैथुन शरीरासाठी घातक आहे का? याचे फायदे, तोटे आणि वैद्यकीय दृष्टिकोन काय आहे?

हस्थमैथुन म्हणजे काय?

हस्थमैथुन ही स्वतःच्या जननेंद्रियांना उत्तेजित करून लैंगिक समाधान मिळवण्याची एक प्रक्रिया आहे. ही नैसर्गिक आणि वैयक्तिक कृती असून, पुरुष आणि स्त्रिया दोघेही हे करतात. लैंगिक इच्छाशक्तीचा तो एक भाग आहे.

हस्थमैथुनचे वैद्यकीय दृष्टिकोनातून फायदे

विविध संशोधनानुसार, नियंत्रित आणि मर्यादित स्वरूपात केलेला हस्थमैथुन काही फायदे देऊ शकतो:

1. तणाव कमी होतो: हस्थमैथुन दरम्यान शरीरात डोपामिन आणि एंडोर्फिनसारखी आनंददायक संप्रेरके (हॉर्मोन्स) स्रवतात, जे मानसिक शांतता देतात.

2. झोप सुधारते: लैंगिक समाधानानंतर झोप चांगली लागते.

3. प्रोस्टेट आरोग्य टिकते: नियमितपणे वीर्यस्राव होणे प्रोस्टेट ग्रंथीसाठी फायदेशीर असू शकते.

4. सेक्सुअल हेल्थबाबत आत्मभान वाढते: स्वतःच्या शरीराची ओळख होण्यास मदत होते.

हस्थमैथुनचे संभाव्य तोटे

हस्थमैथुन हा एक नैसर्गिक क्रिया असली, तरी जर ती अति प्रमाणात केली गेली तर काही समस्यांना सामोरे जावे लागू शकते:

1. शारीरिक थकवा आणि अशक्तपणा: वारंवार आणि अतिप्रमाणात हस्थमैथुन केल्यास शरीरात थकवा येऊ शकतो, ऊर्जा कमी होते.

2. लैंगिक दुर्बलता: काही प्रकरणांमध्ये अति हस्थमैथुनामुळे शीघ्रपतन, लिंग सुदृढता कमी होणे अशा समस्या उद्भवू शकतात.

3. मानसिक समस्या: अपराधी भावनेने ग्रासले जाणे, आत्मविश्वास कमी होणे किंवा सेक्सविषयी चुकीचे समज निर्माण होणे.

4. असामाजिक वर्तन: जर हे व्यसनात रूपांतर झाले तर एकटे राहणे, समाजात मिसळणे कमी होणे असे वर्तन दिसू शकते.

गैरसमज व सत्य

गैरसमज: हस्थमैथुन केल्याने अंधत्व येते, केस गळतात, शरीराबाहेर रक्तस्राव होतो किंवा वीर्य संपून जाते.

सत्य: या गोष्टींना कोणताही वैज्ञानिक आधार नाही. हस्थमैथुनामुळे असे कोणतेही परिणाम होत नाहीत, जोपर्यंत ते नियंत्रित पद्धतीने केले जाते.

तरुणांनी काय करावे?

• हस्थमैथुन ही एक सामान्य नैसर्गिक प्रक्रिया आहे, पण जर ते सवयीपलीकडे जाऊ लागले, शिक्षण किंवा कामात अडथळा आणू लागले, तर त्यावर लक्ष देणे आवश्यक आहे.

• स्वतःला शारीरिक आणि मानसिकदृष्ट्या तंदुरुस्त ठेवण्यासाठी व्यायाम, ध्यान, योगसाधना याचा अवलंब करावा.

• इंटरनेटवरील अश्लील सामग्रीपासून शक्य तितके दूर राहावे.

• आवश्यक असल्यास समुपदेशक किंवा डॉक्टरांचा सल्ला घ्यावा.

हस्थमैथुन शरीरासाठी पूर्णपणे घातक आहे, हा समज चुकीचा आहे. यामध्ये अतिरेक झाल्यास तोटे संभवतात, पण मर्यादित स्वरूपात ती एक नैसर्गिक आणि आरोग्यदायी कृती ठरू शकते. तरुणांनी याबाबत गैरसमज दूर करून योग्य माहिती घेतल्यास, मानसिक आणि लैंगिक आरोग्य अधिक चांगले राहू शकते.

टीप: हस्थमैथुन किंवा लैंगिक समस्यांबाबत लाज न बाळगता डॉक्टरांचा सल्ला घ्या. योग्य मार्गदर्शन हेच निरोगी जीवनाचं गमक आहे.