LPG Cylinder Price: तुम्हीही गॅस कनेक्शन घेण्याचा विचार करत असाल. तर सरकारी मालकीची तेल कंपनी इंडेनने सर्वसामान्यांसाठी एक खास सुविधा सुरू केली आहे. ज्यामध्ये तुम्हाला गॅस सिलिंडर खूप स्वस्तात मिळू शकेल. इंडेनच्या या सुविधेअंतर्गत तुम्हाला फक्त 750 रुपयांमध्ये गॅस सिलिंडर मिळणार आहे. म्हणजेच तुम्हाला हा गॅस सिलिंडर सुमारे 300 रुपयांनी स्वस्त मिळेल.
इंडेनने ग्राहकांसाठी कंपोझिट सिलिंडरची सुविधा सुरू केली आहे. हा सिलिंडर घेण्यासाठी तुम्हाला फक्त 750 रुपये खर्च करावे लागतील. या सिलिंडरचे वैशिष्ट्य म्हणजे ते तुम्ही एका ठिकाणाहून दुसऱ्या ठिकाणी सहजपणे ट्रान्सफर करू शकता. या सिलेंडरचे वजन सामान्य सिलेंडरपेक्षा कमी आहे. सध्या गॅस सिलिंडरच्या वाढत्या किमतीमुळे सर्वसामान्य जनता खूपच त्रस्त आहे. सध्या 14.2 किलोच्या सिलेंडरची किंमत 1053 रुपये आहे. अशा परिस्थितीत घरघुती गॅस वितरक कंपनी इंडेनकडून तुम्हाला 750 रुपयांना सिलिंडर दिला जात आहे.
इंडेन सध्या 28 शहरांमध्ये ही सुविधा देत आहे. लवकरच त्याचा विस्तार करण्यात येणार असून हे सिलिंडर सर्व शहरांमध्ये उपलब्ध होणार आहे.