साऊथचा सुपरस्टार यशची केवळ दक्षिण भारतातच नाही तर उत्तर भारतातही त्यांची जबरदस्त फॅन फॉलोइंग आहे. 2022 मध्ये यशचा KGF Chapter 2 हा चित्रपट देशात आणि परदेशात प्रचंड गाजला. कमाईच्या बाबतीत या चित्रपटाने बॉक्स ऑफिसवर धुमाकूळ घातला, पण यशने या टप्प्यावर पोहोचण्यासाठी खूप मेहनत घेतली आहे. अभिनेता होण्यासाठी तो घरातून पळून गेला होता.
यश एका साध्या कुटुंबातून आलेला आहे. त्यांचे खरे नाव नवीन कुमार गौडा आहे. ‘द न्यूज मिनिट’ला दिलेल्या मुलाखतीदरम्यान यशने सांगितले की, त्याचे वडील बीएमटीसीमध्ये बस ड्रायव्हर होते आणि आपल्या मुलाने शिक्षण घेऊन सरकारी अधिकारी व्हावे अशी त्यांची इच्छा होती. पण यश ला अभिनेता बनायचे होते. यश नाटक आणि नृत्य स्पर्धांमध्ये भाग घेत असे. त्याच्या कामगिरीवर शिट्ट्या वाजवल्या गेल्या की त्याला खूप आनंद व्हायचा.
यशने सांगितले की, त्याला लहानपणापासूनच अभिनेता बनायचे होते. तो नाटक आणि नृत्यात भाग घ्यायचा. प्रेक्षकांनी टाळ्या वाजवल्या आणि शिट्ट्या वाजवल्या की त्याला ते खूप आवडायच. यशने घरातून पळ काढला आणि अभिनेता बनण्यासाठी बंगळुरू गाठले. त्यावेळी त्याच्या खिशात फक्त 300 रुपये होते. बंगळुरूमध्ये त्याने थिएटरमध्ये बॅकस्टेजवर काम करायला सुरुवात केली.
View this post on Instagram
‘या’ चित्रपटात यशचे नशीब चमकले
यशने 2008 मध्ये कन्नड चित्रपट ‘मोगीना मनसु’मधून करिअरला सुरुवात केली. यासाठी त्यांना सर्वोत्कृष्ट सहाय्यक अभिनेत्याचा फिल्मफेअर पुरस्कारही मिळाला होता. यानंतर त्याने ‘राजधानी’, ‘गजकेसरी’, ‘मास्टरपीस’ सारख्या चित्रपटात काम केले. तो हळूहळू लोकप्रिय झाला, पण ‘KGF Chapter 1’ (KGF Chapter 1) ने त्याला रातोरात स्टार बनवले. हा चित्रपट 2018 साली प्रदर्शित झाला होता, ज्यामध्ये त्याने रॉकीची भूमिका साकारली होती, जी प्रेक्षकांना खूप आवडली होती. हा चित्रपट हिट झाल्यानंतर यशचे चाहते त्याला रॉकी भाई या नावाने हाक मारतात. ‘KGF Chapter 3’ वर लवकरच काम सुरू होणार आहे. यशचे चाहते या चित्रपटाची आतुरतेने वाट पाहत आहेत.