World Cup 2023: भारत विरुद्ध इंग्लंड सामन्याचे थेट प्रसारण ऑनलाइन कुठे पाहता येईल? जाणून घ्या
2023 च्या विश्वचषकासाठी चाहते आणि सर्व संघ पूर्णपणे तयार आहेत. स्पर्धेचे सराव सामने सुरू आहेत आणि 5 ऑक्टोबरपासून सुरू होणार्‍या मेगा इव्हेंटपूर्वी संघ त्यांच्या उणिवांवर कसून प्रयत्न करत आहेत. शुक्रवार, 29 सप्टेंबर हा सराव सामन्यांचा पहिला दिवस होता आणि तीनपैकी दोन सामने खेळले गेले. श्रीलंका विरुद्ध बांगलादेश हा सामना गुवाहाटी येथील बरसापारा क्रिकेट स्टेडियमवर आणि न्यूझीलंड विरुद्ध पाकिस्तान हैदराबादच्या राजीव गांधी आंतरराष्ट्रीय क्रिकेट स्टेडियमवर खेळला गेला. तिरुवनंतपुरमच्या ग्रीनफिल्ड इंटरनॅशनल स्टेडियमवर दक्षिण आफ्रिका विरुद्ध अफगाणिस्तान सामना पावसामुळे रद्द करण्यात आला. चाहत्यांना आता टीम इंडियाच्या सराव सामन्याची प्रतीक्षा आहे.
भारताला शनिवारी (30 सप्टेंबर) पहिला सराव सामना खेळायचा आहे. या दिवशी एकूण दोन सराव सामने होतील. भारत विरुद्ध इंग्लंड हा सामना गुवाहाटी येथील बरसापारा क्रिकेट स्टेडियमवर आणि तिरुअनंतपुरमच्या ग्रीनफिल्ड आंतरराष्ट्रीय स्टेडियमवर ऑस्ट्रेलिया विरुद्ध नेदरलँड्स यांच्यात होणार आहे. पहिल्या तीन सामन्यांप्रमाणे, भारत विरुद्ध इंग्लंड आणि ऑस्ट्रेलिया विरुद्ध नेदरलँड्स या दोन्ही सामन्यांचे भारतात टीव्हीवर थेट प्रक्षेपण केले जाईल. अशा परिस्थितीत भारताचा सामना कधी, कुठे आणि कसा बघता येईल ते जाणून घ्या.
सामना कधी सुरू होईल?
भारत विरुद्ध इंग्लंड विश्वचषक सराव सामना दुपारी 2:00 वाजता (IST) सुरू होईल.
सामना टीव्हीवर कुठे पाहायचा?
भारत विरुद्ध इंग्लंड विश्वचषक सराव सामना स्टार स्पोर्ट्स नेटवर्कवर थेट प्रक्षेपित केला जाईल.
सामन्याचे लाइव्ह स्ट्रीमिंग कुठे पहायचे?
भारत विरुद्ध इंग्लंड विश्वचषक सराव सामना Disney+Hotstar वर थेट प्रक्षेपित केला जाईल. अशा परिस्थितीत तुम्ही हा सामना येथे पाहू शकता.
इंग्लंडचा संघ
जॉस बटलर (कर्णधार), मोईन अली, गस ऍटकिन्सन, जॉनी बेअरस्टो, हॅरी ब्रूक, सॅम कुरान, लियाम लिव्हिंगस्टोन, डेविड मलान, आदिल रशीद, जो रूट, बेन स्टोक्स, रीस टोपले, डेव्हिड विली, मार्क वुड, ख्रिस वोक्स.
भारताचा संघ
रोहित शर्मा (कर्णधार), हार्दिक पंड्या (उपकर्णधार), शुभमन गिल, विराट कोहली, श्रेयस अय्यर, केएल राहुल, रवींद्र जडेजा, रविचंद्रन अश्विन, शार्दुल ठाकूर, जसप्रीत बुमराह, मोहम्मद सिराज, कुलदीप यादव, मोहम्मद शमी, इशान किशन, सूर्यकुमार यादव