विश्वचषक 2023 च्या 25 व्या सामन्यात श्रीलंकेने इंग्लंडचा 8 गडी राखून पराभव केला आहे. इंग्लंड संघाला पाचव्या सामन्यात स्पर्धेतील चौथा पराभव पत्करावा लागला आहे. त्यामुळे गतविजेत्या संघाचा अंतिम 4 मध्ये प्रवेश करणे कठीण झाले आहे. तसेच या विजयासह श्रीलंकेने उपांत्य फेरीची शर्यत मनोरंजक बनवली आहे. सध्याच्या स्पर्धेच्या स्वरूपामध्ये, उपांत्य फेरीच्या तिकिटासाठी किमान 6 विजय मानक मानले जात होते. आता उरलेले चार सामने इंग्लिश संघाने जिंकले तरी ते इथपर्यंत पोहोचू शकणार नाहीत.
श्रीलंकेने या स्पर्धेत दुसरा विजय नोंदवला असून इंग्लंडला चौथ्या पराभवाला सामोरे जावे लागले आहे. एकप्रकारे वर्ल्ड कप 2023 मधील हा चौथा अपसेट आहे. यापूर्वी अफगाणिस्तानविरुद्धही इंग्लिश संघाला पराभवाचा धक्का बसला होता. आता श्रीलंकेच्या संघाने त्यांना हरवून सर्वांनाच चकित केले आहे. इंग्लंडचा या स्पर्धेतील एकमेव विजय बांगलादेशविरुद्ध होता. तेव्हापासून संघ विजयासाठी आसुसलेला आहे. इंग्लंडच्या या पराभवामुळे गुणतालिकेतही गोंधळ निर्माण झाला आहे. गेल्या विश्वचषकातही श्रीलंकेने इंग्लंडला पराभूत केले होते, त्यावेळी इंग्लंड संघ चॅम्पियनही झाला होता.
Sri Lanka have upended a strong England lineup to keep their #CWC23 semi-finals qualification hopes alive 👌
With this, they have triumphed in their last five @cricketworldcup encounters against England 🎇#ENGvSL 📝: https://t.co/EA0PaK6O4w pic.twitter.com/aFf98DTRpL
— ICC (@ICC) October 26, 2023
या सामन्याबद्दल बोलायचे झाले तर प्रथम खेळताना इंग्लंडचा संघ 33.2 षटकात केवळ 156 धावांवरच मर्यादित राहिला. श्रीलंकेच्या गोलंदाजांनी अप्रतिम कामगिरी केली. लाहिरू कुमाराने 3 बळी घेतले. इंग्लिश संघाकडून बेन स्टोक्सने सर्वाधिक 43 धावा केल्या. प्रत्युत्तरात श्रीलंकेकडून डेव्हिड विलीने लवकर दोन विकेट घेतल्या. मात्र सदिरा समरविक्रमा आणि पथुम निसांका यांनी अर्धशतके झळकावत संघाला सहज विजय मिळवून दिला.
पॉईंट टेबलबद्दल बोलायचे झाले तर या पराभवामुळे इंग्लंड संघाचे अधिक नुकसान झाले असून, संघ क्रमवारीत 9व्या स्थानावर पोहोचला आहे. त्याचबरोबर श्रीलंकेचे अफगाणिस्तान आणि पाकिस्तानच्या बरोबरीचे 4 गुण झाले आहेत. या तिन्ही संघांमध्ये श्रीलंकेचा नेट रन रेट सर्वोत्तम आहे. त्यामुळे श्रीलंकेचा संघ पाचव्या स्थानावर आला आहे. तर पाकिस्तानला पराभव पत्करावा लागला आणि सहाव्या स्थानावर घसरण झाली. तर अफगाणिस्तानचा संघ सातव्या स्थानावर घसरला आहे.