दिवाळीच्या सुट्टीत मला गुवाहाटीला घेऊन जाणार का? चिमुकलीचा मुख्यमंत्र्यांना प्रश्न; पहा व्हिडिओ
मुंबई – मुख्यमंत्री एकनाथ शिंदे यांनी महाराष्ट्रात घडवलेल्या सत्तांतरानंतर गल्ली ते दिल्लीपर्यंत फक्त त्यांच्याच नावाची चर्चा आहे. अशात एकनाथ शिंदे यांनी एका चिमुकलीशी गप्पा मारतानाचा व्हिडिओ सोशल मीडियावर चांगलाच व्हायरल होत आहे. या मुलीने एकनाथ शिंदे यांना अनेक प्रश्न विचारले पण तिच्या एका प्रश्नाने सगळ्यांचीच उत्सुकता मात्र वाढवली. “येणाऱ्या दिवाळीच्या सुट्टीमध्ये मला गुवाहाटीला (Guwahati) फिरायला घेऊन जाणार का?” असा प्रश्न या मुलीने मुख्यमंत्र्यांना विचारला आणि एकच हशा पिकला. त्यावर मुख्यमंत्री म्हणाले की, “नक्कीच, कामाख्या मातेच्या दर्शनासाठी आपण जाऊया.”
#WATCH | After meeting Maharashtra CM Eknath Shinde at his Nandanvan bungalow in Mumbai, a girl Annada Damre requested him to take her to Guwahati during Diwali vacation and also asked if she could become the CM by helping flood-affected people just like he did?
(Source: CMO) pic.twitter.com/WSdUN16jHq
— ANI (@ANI) July 18, 2022
व्हायरल झालेल्या या व्हिडीओमधील मुलीचं नाव अन्नदा दामरे असं आहे तिचं वय जवळपास पाच ते सहा वर्ष असावं. ती मुख्यमंत्री एकनाथ शिंदे यांच्यासोबत बोलताना दिसत आहे. मुंबईतील नंदनवन बंगल्यामध्ये या चिमुकलीची मुख्यमंत्र्यांसोबत भेट झाली.
यावेळी ती मुख्यमंत्री बनण्यासाठी एकनाथ शिंदे यांच्याकडे सल्ला मागताना दिसत आहे. “जेव्हा आसाममध्ये पूर आला होता तेव्हा तुम्ही पाण्यातून वाट काढत पूरग्रस्तांना मदत केली. मी पण तसं केलं तर मी मुख्यमंत्री बनू शकते का?” असा प्रश्नही तिने केला. त्यावर “हो, अवश्य बनू शकते,” असं उत्तर मुख्यमंत्र्यांनी दिलं.