Pakistan Mystery Girl Reaction: T20 विश्वचषक-2022 च्या उपांत्य फेरीत टीम इंडियाचा पराभव झाल्यानंतर भारतीय क्रिकेट चाहते निराश झाले आहेत. अॅडलेडमध्ये खेळल्या गेलेल्या सामन्यात इंग्लंडने टीम इंडियाचा 10 गडी राखून पराभव केला. या पराभवामुळे टीम इंडियाचे आयसीसी ट्रॉफी जिंकण्याचे स्वप्न पुन्हा एकदा भंगले. भारतीय संघाने 9 वर्षांपासून एकही ICC ट्रॉफी जिंकलेली नाही.
पाकिस्तानच्या मिस्ट्री गर्लने दिली प्रतिक्रिया
भारतीय संघाच्या पराभवावर पाकिस्तानची ‘मिस्ट्री गर्ल’ नताशाने प्रतिक्रिया दिली आहे. न्यूझीलंड आणि पाकिस्तान यांच्यात झालेल्या उपांत्य फेरीच्या सामन्यानंतर नताशा चर्चेत आली होती. ती सिडनीमध्ये पाकिस्तान संघाला चिअर करताना दिसली. सामन्यात अनेकदा कॅमेरामनचे लक्ष नताशाकडे गेले. ती सोशल मीडियावरही व्हायरल झाली. नताशा ऑस्ट्रेलियात राहते. ती मूळची पाकिस्तानी असून मेलबर्नमध्ये राहते.
नताशाने सामन्यानंतरच्या मुलाखतीत असेही सांगितले की नसीम शाह तिचा आवडता गोलंदाज आहे आणि न्यूझीलंडविरुद्ध संघ ज्या प्रकारे खेळला त्यामुळे ती खूप खूश आहे. नताशाने आता टीम इंडियाच्या पराभवावर ट्विट केले आहे. ज्यात तिने बाय बाय इंडिया असं लिहिलं आहे.
Bye Bye India 👋🇮🇳 – Pakistan💚 pic.twitter.com/YoWtCk9CgO
— Natasha 🇵🇰 (@NatashaOfficiaI) November 10, 2022
आयसीसी स्पर्धांमध्ये मोठे सामने गमावण्याचा भारताचा सिलसिला अखंड सुरूच राहिला आहे. इंग्लंडविरुद्धच्या उपांत्य फेरीत दहा गडी राखून झालेल्या पराभवाने भारतीय संघाचे 11 वर्षांनंतर आयसीसी विजेतेपद जिंकण्याचे स्वप्न भंगले आणि जगभरातील कोट्यवधी भारतीयांची मनेही मोडली.