18 जिल्ह्यांतील सरपंचपदाच्या सार्वत्रिक निवडणुकांसाठी 13 ऑक्टोबरला होणार मतदान

WhatsApp Group

विविध 18 जिल्ह्यांतील 82 तालुक्यांमधील 1 हजार 166 ग्रामपंचायतींच्या सदस्यपदांसह थेट सरपंचपदाच्या सार्वत्रिक निवडणुकांसाठी, 13 ऑक्टोबर 2022 रोजी मतदान होणार आहे. त्यासाठी संबंधित ठिकाणी आजपासून आचारसंहिता लागू झाली आहे. या मतदानाची 14 ऑक्टोबरला मतमोजणी होणार आहे. अशी माहिती निवडणूक आयोगाकडून देण्यात आली आहे.


राज्यात सध्या विविध विषयांवरुन राजकीय वातावरण तापलं आहे. अमरावतीत लव्ह जिहाद प्रकाराच्या आरोप-प्रत्यारोपांवरुन राजकीय वातावरण तापलं आहे. तर इकडे मुंबईत दसरा मेळाव्यावरुन मुख्यमंत्री एकनाथ शिंदे यांच्यात गटात आणि उद्धव ठाकरे यांच्या गटात संघर्ष बघायला मिळतोय. हा संघर्ष पुढचे काही दिवस असाच चालू राहण्याची शक्यता आहे. कारण पुढच्या महिन्यात आता ग्रामपंचायतींच्या निवडणुका होणार आहेत. राज्यातील तब्बल 18 जिल्ह्यांसाठी ग्रामपंचायत निवडणुकीचं बिगूल वाजलं आहे. हजारो गावांमध्ये राजकीय रणधुमाळी बघायला मिळणार आहे. त्यामुळे येत्या आगामी काळात प्रत्येक पक्ष आक्रमक होण्याची शक्यता आहे.

विविध जिल्ह्यांत निवडणूक होणाऱ्या ग्रामपंचायतींची जिल्हा व तालुकानिहाय संख्या

  • ठाणे: कल्याण- 7, अंबरनाथ- 1, ठाणे- 5, भिवंडी- 31, मुरबाड- 35, व शहापूर- 79.
  • पालघर: डहाणू- 62, विक्रमगड- 36, जवाहार- 47, वसई- 11, मोखाडा- 22, पालघर- 83, तलासरी- 11 व वाडा- 70.
  • रायगड: अलिबाग- 3, कर्जत- 2, खालापूर- 4, पनवेल- 1, पेण- 1, पोलादपूर- 4, महाड- 1, माणगाव- 3 व श्रीवर्धन- 1.
  • रत्नागिरी: मंडणगड- 2, दापोली- 4, खेड- 7, चिपळूण- 1, गुहागर- 5, संगमेश्वर- 3, रत्नागिरी- 4, लांजा- 15 व राजापूर- 10.
  • सिंधुदुर्ग: दोडामार्ग- 2 व देवडगड- 2. नाशिक:
  • इगतपुरी- 5, सुरगाणा- 61, त्र्यंबकेश्वर- 57 व पेठ- 71.
  • नंदुरबार: अक्कलकुवा- 45, अक्राणी- 25, तळोदा- 55 व नवापूर- 81.
  • पुणे: मुळशी- 1 व मावळ- 1.
  • सातारा: जावळी- 5, पाटण- 5 व महाबळेश्वर- 6.
  • कोल्हापूर: भुदरगड- 1, राधानगरी- 1, आजरा- 1 व चंदगड- 1.
  • अमरावती: चिखलदरा- 1.
  • वाशीम: वाशीम- 1.
  • नागपूर: रामटेक- 3, भिवापूर- 6 व कुही- 8.
  • वर्धा: वर्धा- 2 व आर्वी- 7.
  • चंद्रपूर: भद्रवाती- 2, चिमूर- 4, मूल- 3, जिवती- 29, कोरपणा- 25, राजुरा- 30 व ब्रह्मपुरी- 1.
  • भंडारा: तुमसर- 1, भंडारा- 16, पवणी- 2 व साकोली- 1.
  • गोंदिया: देवरी- 1, गोरेगाव- 1 गोंदिया- 1, सडक अर्जुनी- 1 व अर्जुनी मोर- 2.
    गडचिरोली: चामोर्शी- 2, आहेरी- 2, धानोरा- 6, भामरागड- 4, देसाईगंज- 2, आरमोरी-2, एटापल्ली- 2 व गडचिरोली- 1.
    एकूण- 1,166.

‘माझा फोन का रेकॉर्ड केला?’ खासदार नवनीत राणा यांची पोलिसांसोबत बाचाबाची