Virat Kohli Birthday: विराट कोहली झाला 34 वर्षांचा, जाणून घ्या त्याच्या कारकिर्दीतील 10 मोठे विक्रम

Virat Kohli: टी-20 विश्वचषक 2022 ऑस्ट्रेलियात खेळवला जात आहे. या स्पर्धेत भारताचा माजी कर्णधार विराट कोहलीची बॅट चांगली चालत आहे. विराट कोहलीने आतापर्यंत 4 डावात 3 वेळा पन्नास धावांचा टप्पा ओलांडला आहे. रविवारी टीम इंडिया झिम्बाब्वेविरुद्ध मैदानात उतरणार आहे. हा सामना जिंकून भारतीय संघ उपांत्य फेरीतील आपले स्थान पक्के करू इच्छितो. त्याचवेळी, या सामन्यापूर्वी विराट कोहली 5 नोव्हेंबरला त्याचा 34 वा वाढदिवस साजरा करणार आहे. चला तर मग पाहू या माजी भारतीय कर्णधाराच्या कारकिर्दीतील 10 मोठे विक्रम.

• विराट कोहलीने कसोटी कर्णधार म्हणून 7 द्विशतके झळकावली आहेत. कसोटी क्रिकेटमधील कोणत्याही कर्णधाराची ही सर्वाधिक द्विशतके आहेट. यापूर्वी हा विक्रम वेस्ट इंडिजच्या ब्रायन लाराच्या नावावर होता, त्याने कर्णधार म्हणून 5 द्विशतके झळकावली होती.
• एकदिवसीय क्रिकेटमध्ये सर्वात जलद 10,000 धावा करणारा विराट कोहली आहे. माजी भारतीय कर्णधाराने 205 डावांमध्ये हा पराक्रम केला. या प्रकरणात त्याने सचिन तेंडुलकरला मागे टाकले. मास्टर ब्लास्टरने 259 डावांमध्ये 10,000 धावांचा टप्पा गाठला होता.
• विराट कोहलीने पदार्पणाच्या 10 वर्षे आणि 68 दिवसांनंतर आपल्या आंतरराष्ट्रीय कारकिर्दीत 10,000 धावांचा टप्पा पार केला. अशाप्रकारे तो आंतरराष्ट्रीय क्रिकेटमध्ये सर्वात जलद अशी कामगिरी करणारा फलंदाज ठरला. या प्रकरणात विराट कोहलीने राहुल द्रविडला मागे टाकले. राहुल द्रविडने 10 वर्षे 317 दिवसांत ही कामगिरी केली होती.

• माजी भारतीय कर्णधाराने 2010 मध्ये केवळ 11 डावांमध्ये 1 हजार एकदिवसीय धावांचा आकडा गाठला होता. एका कॅलेंडर वर्षातील ही सर्वात जलद 1000 धावा आहे. त्याने या प्रकरणात दक्षिण आफ्रिकेच्या हाशिम आमलाला मागे टाकले होते.
• तिन्ही फॉरमॅटमध्ये 50 पेक्षा जास्त सरासरी असलेला विराट कोहली हा एकमेव खेळाडू आहे. तसेच, त्याने आतापर्यंत आंतरराष्ट्रीय क्रिकेटमध्ये 20 हजारांहून अधिक धावा केल्या आहेत.
• वर्ष 2017 मध्ये कर्णधार म्हणून विराट कोहलीने एकदिवसीय क्रिकेटमध्ये 1460 धावा केल्या. कर्णधार म्हणून एका वर्षातील ही सर्वाधिक धावा आहेत. यापूर्वी हा विक्रम रिकी पाँटिंगच्या नावावर होता. ऑस्ट्रेलियाच्या माजी कर्णधाराने 2007 मध्ये 1427 धावा केल्या होत्या.

• कर्णधार म्हणून एका वर्षात सहा एकदिवसीय शतके झळकावणारा विराट कोहली हा पहिला कर्णधार आहे. 2017 आणि 2018 मध्ये त्याने हा पराक्रम केला होता.
• कर्णधार म्हणून विराट कोहलीची एकदिवसीय सामन्यातील विजयाची टक्केवारी 75.89 टक्के आहे. हे कोणत्याही भारतीय कर्णधारापेक्षा जास्त आहे.
• याशिवाय सलग तीन वनडे शतके झळकावणारा विराट कोहली हा पहिला फलंदाज आहे. 2018 मध्ये त्याने हा पराक्रम केला होता.
• विराट कोहलीने आयपीएलमध्ये आतापर्यंत 5,872 धावा केल्या आहेत. अशाप्रकारे तो इंडियन प्रीमियर लीग (IPL) मध्ये सर्वाधिक धावा करणारा खेळाडू आहे.