Virat Kohli Dancing: भारतीय संघाने डोमिनिका येथे वेस्ट इंडिजसोबत खेळला गेलेला पहिला कसोटी सामना एक डाव आणि 141 धावांच्या मोठ्या फरकाने जिंकला. या सामन्यात वेस्ट इंडिजने नाणेफेक जिंकली असली तरी सुरुवातीपासूनच सामना भारतीय संघाच्या ताब्यात होता. आधी गोलंदाज आणि नंतर फलंदाजांनी यजमानांना पुनरागमनाची संधी दिली नाही. विराटची मस्त स्टाइल मॅचच्या तिसऱ्या दिवशीही पाहायला मिळाली, जेव्हा त्याने मैदानावरच आपल्या डान्स मूव्ह दाखवायला सुरुवात केली…
विराट कोहली जेव्हा मैदानात असतो तेव्हा कॅमेरा फक्त त्याच्यावरच असतो. असे काही क्षण अनेकदा रेकॉर्ड केले जातात, जे नंतर चाहत्यांना खूप रोमांचित करतात. सध्या टीम इंडिया वेस्ट इंडिजच्या दौऱ्यावर आहे, तिथे संध्याकाळी 7.30 वाजता कसोटी सामने सुरू होत आहेत. अशा परिस्थितीत बहुतांश चाहत्यांना सामना लाइव्ह पाहता येत नाही. पण, आम्ही तुम्हाला विराट कोहलीचा असा मजेशीर व्हिडिओ दाखवणार आहोत, जो पाहून तुम्हीही खूश व्हाल. हा व्हिडिओ फॅनकोडने शेअर केला आहे, ज्यामध्ये तो डान्स मूव्ह्स करताना दिसत आहे.
पहा व्हिडिओ
Kohli reminding us all that it’s Friday night, after all!@imVkohli
..#INDvWIonFanCode #WIvIND pic.twitter.com/mPLidCSKW2
— FanCode (@FanCode) July 14, 2023
दुसरा कसोटी सामना 20 जुलैपासून होणार आहे
भारत आणि वेस्ट इंडिज यांच्यातील पहिला सामना डॉमिनिका येथे खेळला गेला, ज्यात भारताने एक डाव आणि 141 धावांनी विजय मिळवला. या विजयानंतर आता उभय संघांमधील दुसरा कसोटी सामना 20 जुलैपासून पोर्ट ऑफ स्पेन, त्रिनिदाद येथे खेळवला जाणार आहे. रोहित शर्मा आणि यशस्वी जैस्वाल यांनी पहिल्या सामन्यात शतके ठोकली होती, तर रविचंद्रन अश्विनने दोन्ही डावात 12 विकेट घेतल्या होत्या. आता दुसऱ्या सामन्यातही या खेळाडूंकडून सर्वोत्तम कामगिरीची अपेक्षा असेल.