नृत्य करताना अचानक हृदयविकाराच्या झटक्याने मृत्यू झाल्याच्या अनेक घटना घडल्या आहेत. आता मध्य प्रदेशातील एक व्हिडिओ सोशल मीडियावर व्हायरल होत आहे. ज्यामध्ये एका म्युझिक फेस्टिवलमध्ये डान्स करताना एक महिला स्टेजवरून पडून तिचा मृत्यू झाल्याचे दिसत आहे.
हे प्रकरण बंदोल पोलीस ठाण्याअंतर्गत येणाऱ्या बाखरी गावातील आहे. व्हायरल झालेल्या व्हिडिओमध्ये एक महिला एका कॉन्सर्टमध्ये इतर महिलांसोबत डान्स करताना दिसत आहे. यादरम्यान ती अचानक स्टेजवर पडली.
MP में संगीत कार्यक्रम में डांस करते-करते महिला को आया हार्ट अटैक, स्टेज से गिरते ही दम तोड़ा #MPNews #ViralVideo #MadhyaPradesh #Seoni #HeartAttack #SuddenAttackhttps://t.co/CbHysgVkdr pic.twitter.com/q6pJXdAfYh
— Amar Ujala Madhya Pradesh (@AU_MPNews) December 16, 2022
14 डिसेंबरच्या रात्री बखरी येथे लग्नसोहळ्यापूर्वी संगीताचा कार्यक्रम होता. सोहळ्यात घरातील महिला मंचावर नाचत होत्या. त्याचवेळी नाचताना एक महिला स्टेजवर पडली. कुटुंबीयांनी तातडीने महिलेला सिओनी रुग्णालयात नेले, तेथे डॉक्टरांनी तिला मृत घोषित केले. डॉक्टरांच्या म्हणण्यानुसार महिलेचा मृत्यू हृदयविकाराच्या झटक्याने झाला.
स्टेशन प्रभारी पंचेश्वर यांनी सांगितले की, कुटुंबीयांनी गुरुवारी महिलेचा अंत्यसंस्कार केला. महिलेच्या मृत्यूमुळे लग्नाच्या आनंदाचे शोकात रूपांतर झाले. गावात शोककळा पसरली आहे.