Viral Video: संयमाचा बांध सुटला अन् लिफ्टचा पॅनल फुटला! दरवाजा बंद व्हायला उशीर झाला म्हणून तरुणाने घातला राडा; सीसीटीव्ही फुटेज व्हायरल

आजच्या धावपळीच्या युगात माणसाचा संयम किती कमी झाला आहे, याचे एक जिवंत उदाहरण या व्हिडिओमधून पाहायला मिळते. चीनमधील एका इमारतीत ही घटना घडली असून, एका तरुणाने लिफ्टचा दरवाजा बंद होण्यासाठी केवळ २-३ सेकंदही वाट पाहिली नाही. रागाच्या भरात त्याने अशा प्रकारे तोडफोड केली की पाहणारेही थक्क झाले.

नेमकी घटना काय?

व्हायरल व्हिडिओमध्ये दिसते की, एक तरुण आरामात लिफ्टमध्ये शिरतो आणि मजल्याचा बटण दाबतो. मात्र, साधारण २-३ सेकंद उलटूनही लिफ्टचा दरवाजा बंद होत नाही. इतकासा उशीर सहन न झाल्याने हा तरुण संतापतो आणि एकापाठोपाठ एक अनेक बटणे दाबू लागतो. त्याचवेळी दरवाजा बंद व्हायला सुरुवात होते, पण या तरुणाचा राग अनावर होतो. तो जोरात लिफ्टच्या पॅनलवर लाथा-बुक्क्या मारतो. धक्कादायक म्हणजे, काही सेकंदातच संपूर्ण बटणांचा पॅनल उखडून जमिनीवर पडतो. तोडफोड केल्यानंतर हा तरुण निर्विकार चेहऱ्याने लिफ्टमधून बाहेर पडतो.

🇨🇳 In China, an entire elevator panel falls apart after a man gets angry and starts hitting it. Terrible build quality and extremely dangerous. pic.twitter.com/wWaMaieomc

— 鈴森はるか 『haruka suzumori』 🇯🇵 (@harukaawake) January 1, 2026

बिल्ड क्वालिटीवर प्रश्नचिन्ह

हा व्हिडिओ ‘X’ (ट्विटर) वर @harukaawake नावाच्या हँडलवरून शेअर करण्यात आला आहे. कॅप्शनमध्ये लिहिले आहे की, “चीनमधील एका व्यक्तीने रागात मारल्यानंतर लिफ्टचा संपूर्ण पॅनल तुटून पडला. अतिशय खराब बिल्ड क्वालिटी आणि अत्यंत धोकादायक!” हा व्हिडिओ आतापर्यंत ४६ लाखांहून अधिक लोकांनी पाहिला आहे.

नेटकऱ्यांच्या प्रतिक्रिया

व्हिडिओवर नेटकऱ्यांनी संमिश्र प्रतिक्रिया दिल्या आहेत:

• “हा तर धोक्याचा इशारा!”: एका युजरने म्हटले की, जर फक्त हाताने मारल्यामुळे पॅनल तुटत असेल, तर ती लिफ्ट प्रवाशांसाठी किती असुरक्षित आहे याचा विचार करा.

• “संयम शिका”: दुसऱ्या एका युजरने तरुणाच्या वागणुकीवर टीका करत म्हटले की, तांत्रिक गोष्टी कधी कधी संथ चालतात, पण त्यावर राग काढणे मूर्खपणाचे आहे.

• “भरपाई वसूल करा”: अनेकांनी या तरुणावर कारवाई करून त्याच्याकडून नुकसान भरपाई घेण्याची मागणी केली आहे.