शिवसेना फक्त बाळासाहेबांची, उद्धव ठाकरेंची आहे, तुमच्या बापजाद्याची कधी होऊ शकत नाही; विनायक राऊत

मुंबई : शिंदे गट आणि मुख्यमंत्री एकनाथ शिंदे यांच्यावर टीका करताना शिवसेनेचे खासदार विनायक राऊत यांनी आक्षेपार्ह विधान केलं आहे. दहिसरमध्ये शिवसेना नागरी सत्कार समारंभामध्ये बोलताना राऊतांनी हे विधान केलं आहे. “उद्धव ठाकरेंना एकटं पाडायचं, शिवसेना संपवायची, शिवसेना नाव पुसून टाकायचं,” असा यांचा डाव असल्याचा आरोप विनायक राऊत यांनी यावेळी बोलताना केला.

विनायक राऊत पुढे म्हणाले, भ**** करणाऱ्या ४० गद्दारांच्या माध्यमातून शिवसेना संपवण्याचा जो धंदा आहे, तो उधळून लावून ही शिवसेना केवळ बाळासाहेबांची, उद्दव ठाकरेंची आहे, तुमच्या बापजाद्याची कधी होऊ शकत नाही हे दाखवून देण्यासाठी आपल्याला पुन्हा रस्त्यावर उतरावं लागेल,” असं विनायक राऊत म्हणाले आहेत.

राज्यात उद्धव ठाकरेंच्या माध्यमातून येणारा वेदान्त गुजरातला पाठवण्याचं पाप या राज्य सरकराने केलं आहे. देवेंद्र फडणवीस यांच्यासारख्या हुशार, अभ्यासू व्यक्तीवर सध्या दुर्दैवी वेळ आली आहे. त्यामुळे त्यांना दुधाची तहान ताकावर भागवावी लागत आहे. या अडाण्याच्या हाताखाली काम करावं लागत आहे,” अशी टीका विनायक राऊत यांनी केली.