Vikram S Launch : भारतातील पहिल्या खासगी रॉकेट ‘विक्रम-एस’चे श्रीहरिकोटा येथून यशस्वी उड्डाण

देश-विदेश
By Team Inside Marathi
WhatsApp Group

देशात प्रथमच ‘स्कायरूट’ या खासगी अंतराळ कंपनीने आपले पहिले रॉकेट विक्रम-एस शुक्रवार, 18 नोव्हेंबर रोजी प्रक्षेपित करून इतिहास रचला आहे. या मोहिमेला ‘प्ररंभ’ असे नाव देण्यात आले आहे. विक्रम-एस रॉकेटने सकाळी 11.30 वाजता श्रीहरिकोटा येथील इस्रोच्या सतीश धवन अंतराळ केंद्रातून उड्डाण केले. रॉकेट आवाजाच्या पाचपट वेगाने अंतराळात गेले. स्कायरूट या चार वर्षे जुन्या कंपनीचे सीईओ आणि सह-संस्थापक पवन कुमार चंदना यांनी सांगितले की, ही चाचणी उड्डाण आहे. इस्रोने आपल्या उड्डाणासाठी प्रक्षेपण विंडो निश्चित केली होती. लाँच व्हेईकलमध्ये वापरण्यात आलेल्या इंजिनला माजी राष्ट्रपती डॉ. एपीजे अब्दुल कलाम यांच्या नावावरून ‘कलाम-80’ असे नाव देण्यात आले आहे.

आत्तापर्यंत इस्रो आपले रॉकेट प्रक्षेपित करत आहे यात शंका नाही, परंतु इस्रोने आपल्या लॉन्चिंग पॅडवरून खाजगी कंपनीचे मिशन प्रक्षेपित करण्याची ही पहिलीच वेळ होती. या मोहिमेसह, हैदराबादस्थित स्कायरूट एरोस्पेसने अंतराळात रॉकेट सोडणारी पहिली खाजगी अंतराळ कंपनी बनून इतिहास रचला आहे. या मिशनमुळे खाजगी अवकाश क्षेत्राला मोठी चालना मिळणार आहे. खुद्द पंतप्रधान नरेंद्र मोदी हे मिशन सुरू करण्यासाठी खासगी क्षेत्राला प्रेरित करत आहेत.