Vikram Gokhale : ज्येष्ठ अभिनेते विक्रम गोखले यांची प्रकृती चिंताजनक, पुण्यातील रुग्णालयात दाखल
Vikram Gokhale Hospitalised: हिंदी-मराठी चित्रपटांतील प्रसिद्ध अभिनेते विक्रम गोखले यांची प्रकृती अत्यंत चिंताजनक आहे. त्यांना पुण्यातील पंडित दीनानाथ मंगेशकर हॉस्पिटलच्या आयसीयूमध्ये दाखल करण्यात आले आहे. काल त्यांची प्रकृती चिंताजनक बनली आहे. सूत्रांनी दिलेल्या माहितीनुसार, त्यांना यकृताशी संबंधित गंभीर आजार असून शरीराचे इतर भागही नीट काम करत नाहीत.
Veteran actor Vikram Gokhale was admitted to Pune’s Deenanath Mangeshkar Hospital a few days back. His condition remains critical
(File pic) pic.twitter.com/VparQPEdb9
— ANI (@ANI) November 23, 2022
या चित्रपटांमध्ये केले आहे काम
1999 मध्ये प्रदर्शित झालेल्या संजय लीला भन्साळींच्या हम दिल दे चुके सनममध्ये विक्रम गोखले यांनी ऐश्वर्या राय बच्चनच्या वडिलांची भूमिका साकारली होती. याशिवाय त्यांनी ‘भूल भुलैया’, ‘मिशन मंगल’, ‘दिल से’, ‘दे दना दान, हिचकी’ यांसारख्या अनेक हिंदी चित्रपटांमध्ये काम केले आहे. 2013 मध्ये त्यांना ‘अनुमती’ या मराठी चित्रपटासाठी सर्वोत्कृष्ट अभिनेत्याचा पुरस्कार मिळाला होता.
गेल्या वर्षी ई-टाइम्सशी झालेल्या संवादात विक्रम गोखले यांनी त्यांच्या वाईट दिवसांबद्दल सांगितले होते. त्यांनी सांगितले की, अमिताभ बच्चन यांनी त्यांना संघर्षाच्या दिवसात खूप मदत केली आहे. ते म्हणाले होते, ‘मी जेव्हा या इंडस्ट्रीत आलो तेव्हा मला खूप संघर्ष करावा लागला. मी आर्थिक संकटातून जात होतो आणि मुंबईत घर शोधत होतो. अमिताभ बच्चन यांना हे कळताच त्यांनी स्वतः महाराष्ट्राचे मुख्यमंत्री मनोहर जोशी यांना पत्र लिहिले. त्यांच्या शिफारशीवरून मला सरकारकडून घर मिळाले. मी तयार केलेले ते पत्र अजूनही माझ्याकडे आहे.