ऋषभ पंतच्या भीषण कार अपघातानंतर बॉलिवूड अभिनेत्री उर्वशी रौतेलाने सोशल मीडियावर एक पोस्ट टाकली आहे. यामध्ये ती पंतच्या लवकरात लवकर बरी होण्यासाठी प्रार्थना करताना दिसत आहे. त्यांनी या पोस्टमध्ये पंत यांचे नाव घेतले नाही, परंतु ‘Praying’ या कॅप्शनसह तिने पोस्ट केली आहे.
शुक्रवारी पहाटे कार अपघातात ऋषभ पंत गंभीर जखमी झाला. दिल्लीहून रुरकीला परतत असताना दिल्ली-डेहराडून महामार्गावर त्यांची कार रेलिंगला धडकली. यानंतर कारला भीषण आग लागली. या अपघातात पंत थोडक्यात बचावला. त्याच्या पायाला आणि डोक्याला गंभीर दुखापत झाली आहे. पंतच्या पाठीवरही भाजण्याच्या खुणा दिसत आहेत. पंत सध्या डेहराडूनच्या मॅक्स हॉस्पिटलमध्ये दाखल आहे.
View this post on Instagram
पंत-उर्वशी यांच्यात अनेक दिवसांपासून वाद
विशेष म्हणजे ऋषभ पंत आणि उर्वशी रौतेला यांच्यातील वाद अनेक दिवसांपासून सुरू आहे. उर्वशीने एका मुलाखतीत पंतचे नाव न घेता एक विधान केले, तेव्हापासून दोघांमध्ये वाद सुरू झाला. यानंतर दोन्ही सेलिब्रिटींनी एकमेकांचे नाव न घेता सोशल मीडियाच्या माध्यमातून एकमेकांवर हल्लाबोल केला होता.