Pro Kabaddi League: प्रदीप नरवालचा धमाका, पुणेरी पलटणचा धुव्वा उडवत यूपी उपांत्य फेरीत दाखल

खेळविश्व
By Team Inside Marathi
WhatsApp Group

प्रो कबड्डी लीग 2022 Pro Kabaddi League च्या पहिल्या एलिमिनेटर सामन्यात, यूपी योद्धाने UP Yoddha पुणेरी पलटणचा 42-31 ने पराभव केला. यासह यूपी योद्धाने उपांत्य फेरीत प्रवेश केला. तर पुणेरी पलटणचा Puneri Paltan इथेच संपला. आता 23 फेब्रुवारीला पहिल्या उपांत्य फेरीत यूपीचा सामना पटना पायरेट्सशी होणार आहे.

लीगमध्ये अयशस्वी ठरत असलेला स्टार रेडर प्रदीप नरवाल Pardeep Narwal योग्य वेळी फॉर्ममध्ये परतला. त्याने चमकदार कामगिरी करत संघाला उपांत्य फेरीपर्यंत पोहोचवले. प्रदीप नरवालने 18 गुण मिळवले. तर सुरेंद्र गिल आणि सुमितने 5-5 गुण करत प्रदीपला चांगली साथ दिली. दुसरीकडे, पुणेरी पलटणच्या अस्लम इनामदारनेही आपल्या संघासाठी सुपर 10 ची चढाई केली, परंतु त्याला संघाला विजय मिळवून देता आला नाही.


यूपी योद्धाने पहिल्या हाफपासून पुणेरी पलटणवर वर्चस्व राखले होते. पहिल्या हाफमध्ये यूपीचा स्कोअर 25 होता, त्यानंतर पुणेरी पलटणने 17 गुण मिळवले. पहिल्या हाफमध्ये जेथे यूपीने पुणेरी पलटणला दोनदा ऑल आउट केले, तर पुणेरी पलटणने यूपीला एकदा ऑलआउट केले. दुसऱ्या हाफमध्ये यूपीने 17 गुण मिळवले, तर पुणेरी पलटणचा स्कोअर केवळ 14 होता. दुसऱ्या हाफमध्येही युपीने पुणेरी पलटणला एकदा ऑलआउट केले.