शिवसेना गटनेता मला आमदारांनीच केलं, उद्धव ठाकरे यांचा राजीनामा माझ्यासाठी वेदनादायी- एकनाथ शिंदे

शिवसेना (Shiv Sena Legislative Group Leader) गटनेता आजही मीच आहे. 50 आमदारांनी मिळून माझी गटनेता पदावर निवड केली आहे. शिसेनाप्रुमख बाळासाहेब ठाकरे (Balasaheb Thackeray) यांचे हिंदुत्व पुढे घेऊन जाण्यासाठी आम्हाला मविआच्या सत्तेतून बाहेर पडण्याचा निर्णय घ्यावा लागला.

ते पुढे म्हणाले, आमदारांच्या भावना आगोदरच जाणून घेतल्या असत्या तर ही वेळ आज आलीच नसती. उद्धव ठाकरे (Uddhav Thackeray) यांनी राजीनामा दिल्याचे आम्हाला प्रचंड दु:ख आहे. त्यांच्याबद्दल आम्हाला कालही आणि आजही आदर आहे, अशी प्रतिक्रिया एकनाथ शिंदे (Eknath Shinde) यांनी व्यक्त केली आहे. एकनाथ शिंदे हे आज (30 जून) राज्यपाल आणि भाजप नेते देवेंद्र फडणवीस यांची भेट घेणार आहेत. दरम्यान, ते माध्यमांशी बोलत होते.

देवेंद्र फडणवीस आणि राज्यपालांसोबत आज भेट होणार आहे. नव्या सरकारमधील सत्तावाटपाबद्दल कोणताही फॉर्म्युला ठरला नाही. त्यामुळे कोणीही उगाच चुकीच्या बातम्या पसरवू नका. अद्याप कोणतीही बोलणी झाली नाही, असंही एकनाथ शिंदे यांनी या वेळी म्हटले.