मुंबई – दसऱ्याला शिवाजी पार्कवर होणाऱ्या शिवसेनेच्या वार्षिक मेळाव्याला संबोधित करण्याची संधी उद्धव ठाकरेंना मिळणार नाही का? असा प्रश्न आता निर्माण झाला आहे. बीएमसीकडून अद्याप कोणतीही मंजुरी मिळालेली नसल्यामुळे असाच अंदाज बांधण्यास सुरुवात झाली आहे. दरम्यान, केंद्रीय मंत्री रामदास आठवले यांनीही उद्धव ठाकरेंना कडवट सल्ला दिला आहे. एका खासगी कार्यक्रमात मुंबईत आलेले आठवले म्हणाले की, खरी शिवसेना एकनाथ शिंदे यांची आहे. त्यामुळे त्यांना रॅली काढण्याची परवानगी द्यावी. एवढंच नाही तर उद्धव ठाकरेंनी शिवाजी पार्क ऐवजी कुठेतरी दुसरीकडे सभा घ्यावी असंही ते म्हणाले.
आठवले म्हणाले, मुख्यमंत्री एकनाथ शिंदे यांच्याकडे दोन तृतीयांश बहुमत आहे. त्यामुळे मुंबई महापालिकेने त्यांना शिवाजी पार्कवर दसरा मेळावा आयोजित करण्याची परवानगी द्यावी. खरी शिवसेना एकनाथ शिंदे यांची असल्याचे ते म्हणाले. त्यांच्याकडे 2/3 बहुमत आहे. कार्यकर्त्यांचा मोठा पाठिंबा आहे. त्यामुळे खऱ्या शिवसेनेने दसरा सभेची परवानगी घ्यावी. महापालिकेने शिवाजी पार्कमध्ये फक्त एकनाथ शिंदे यांनाच परवानगी द्यावी, असे केंद्रीय मंत्री रामदास आठवले म्हणाले. मनसे कार्यकर्त्यांना मेळावा घ्यायचा असेल तर त्यांनीही सभा घ्यावी, असे ते म्हणाले. प्रत्येकाला संघटित होऊन मोर्चे काढण्याचा अधिकार आहे.
बीएमसी निवडणुकीत आमची आघाडी यशस्वी होईल, असेही ते यावेळी म्हणाले. मुंबई महापालिकेच्या गेल्या निवडणुकीत भाजप आणि आरपीआयची युती झाली आणि आम्ही 82 जागा जिंकल्या. आता बहुमतासाठी 114 पेक्षा जास्त जागा जिंकायला हरकत नाही. असं ते यावेळी बोलताना म्हणाले.
– समीर आमुणेकर