India vs Australia Final U19 World Cup 2024: भारतीय संघाने मंगळवारी दक्षिण आफ्रिकेचा पराभव करत 9व्यांदा अंडर-19 विश्वचषकात अंतिम फेरी गाठली. आता गुरुवारी ऑस्ट्रेलियाने रोमहर्षक सामन्यात पाकिस्तानचा एका विकेटने पराभव केला. आता रविवारी 11 फेब्रुवारी रोजी भारत आणि ऑस्ट्रेलिया यांच्यात अंतिम सामना होणार आहे. काही महिन्यांपूर्वी भारत आणि ऑस्ट्रेलिया हे वरिष्ठ संघांच्या वनडे विश्वचषकात आमनेसामने आले होते. तिकडे टीम इंडियाच्या चाहत्यांच्या स्वप्नांचा चक्काचूर झाला पण इथे सिनियर्सच्या पराभवाचा बदला घेण्यासाठी युवा सिंह येणार आहेत. भारताने याआधी पाच अंडर-19 विश्वचषक जिंकले आहेत.
संपूर्ण स्पर्धेत पाकिस्तान संघाची कामगिरी जवळपास चांगली होती. सुपर 6 च्या शेवटच्या आणि महत्त्वाच्या सामन्यात बांगलादेशकडून संघाचा पराभव झाला. आता उपांत्य फेरीतही शेवटपर्यंत झुंज दिल्यानंतर ऑस्ट्रेलियाविरुद्धचा सामना एका विकेटने हरला. या सामन्यात प्रथम खेळताना पाकिस्तानचा संघ 179 धावांवर सर्वबाद झाला. प्रत्युत्तरात ऑस्ट्रेलियाने सामना नक्कीच जिंकला पण 9 विकेट गमावल्या.
Stage set for a cracking Sunday Final in the #U19WorldCup! 🏟️
India 🆚 Australia
Follow the match on https://t.co/Z3MPyeL1t7 and the official BCCI App 📱#BoysInBlue | #TeamIndia | #INDvAUS pic.twitter.com/lwJ4ag4wOc
— BCCI (@BCCI) February 8, 2024
पाकिस्तानकडून अली रझाने 4 विकेट घेत संघासाठी कडवी झुंज दिली पण तरीही संघ एका विकेटने पराभूत झाला. ऑस्ट्रेलियाच्या विजयात बॉलर टॉम स्ट्रेकरने 6 विकेट घेतल्या. फलंदाजीत, सलामीवीर हॅरी डिक्सनच्या 50 धावा आणि ऑलिव्हर पीकच्या 49 धावांच्या बळावर संघाने फायनलचे तिकीट निश्चित केले. सरतेशेवटी, राफे मॅकमिलनची नाबाद १९ धावांची खेळी नक्कीच छोटी असली तरी संघासाठी खूप मोठी ठरली.
अंडर 19 वर्ल्ड कप 2012 चा फायनल भारत आणि ऑस्ट्रेलिया यांच्यात खेळला गेला. उन्मुक्त चंदच्या शतकाच्या जोरावर भारतीय संघाने विश्वचषक जिंकला. आता 12 वर्षांनंतर दोन्ही संघ पुन्हा आमनेसामने आले आहेत. उदय सहारनच्या नेतृत्वाखालील भारतीय संघ सहाव्यांदा हे विजेतेपद पटकावतो की नाही हे पाहणे बाकी आहे.
Pakistan fought back but Australia held their nerve to secure a thrilling one-wicket win and stormed into the #U19WorldCup 2024 Final 💪
Match Highlights 🎥 pic.twitter.com/yvTUH97IdH
— ICC (@ICC) February 8, 2024
आता अंतिम सामना बेनोनी येथे रविवारी 11 फेब्रुवारी रोजी होणार आहे. उपांत्य फेरीचे दोन्ही सामनेही याच मैदानावर झाले. हा सामना भारतीय वेळेनुसार दुपारी 1.30 वाजता सुरू होईल. भारतीय संघ आतापर्यंत या स्पर्धेत अपराजित आहे. भारताने ग्रुप स्टेज, सुपर 6 आणि सेमीफायनलसह सर्व सामने जिंकले आहेत. ऑस्ट्रेलियाला एकाही पराभवाचा सामना करावा लागला नसला तरी त्यांचा एक सामना अनिर्णित राहिला.