Rain in Dubai: दोन वर्षांचा पाऊस एका दिवसात पडला…, पहा भयानक दृश्य

0
WhatsApp Group

मंगळवारी युएई आणि त्याच्या शेजारील देशांमध्ये निसर्गाने कहर केला. यूएईमध्ये कालपासून म्हणजेच मंगळवारपासून मुसळधार पाऊस पडत आहे. एवढा मुसळधार पाऊस पडत आहे की दुबईतील अनेक भाग पाण्यात बुडाले आहेत. जिकडे पाहावे तिकडे फक्त पाणी. शेजारील ओमानमध्ये परिस्थिती अत्यंत बिकट झाली आहे. पुरामुळे येथे 18 जणांचा मृत्यू झाला आहे. पावसामुळे दुबई शहरातील वाहतूक पूर्णपणे विस्कळीत झाली आहे. विमान प्रवासही विस्कळीत झाला आहे.

विमानतळ पाण्यात बुडाले असून, त्यामुळे अनेक उड्डाणे रद्द करण्यात आली आहेत. दुबई पोलिसांनी सोमवारीच खराब हवामानाबाबत ॲडव्हायजरी जारी केली होती. तेथील हवामान विभागाने दिलेल्या माहितीनुसार, दुबई, अबुधाबी आणि अनेक शहरांसारख्या UAE मधील अनेक भागांमध्ये पुढील 24 तासांत पाऊस आणि गारपिटीचा इशारा देण्यात आला आहे.

UAE च्या राष्ट्रीय हवामान केंद्राने माहिती दिली आहे की मंगळवार दुपार ते बुधवार 17 एप्रिल रोजी सकाळपर्यंत हवामान खूपच खराब असेल आणि ही लाट पश्चिम भागातूनही येणार आहे आणि ती देशाच्या अनेक भागात पसरू शकते. रविवारी आणि सोमवारी ओमानच्या विविध भागात अचानक आलेल्या पुरामुळे किमान 17 जणांचा मृत्यू झाला, असे राष्ट्रीय आपत्कालीन व्यवस्थापन समितीने सांगितले. त्याचबरोबर अनेक भागात मुसळधार पाऊस सुरू आहे.

गेल्या वर्षी नोव्हेंबरमध्येही दुबईचे हवामान खूपच खराब झाले होते. वादळी पावसामुळे शहर पूर्णत: जलमय झाले होते. परिस्थिती इतकी बिकट झाली होती की प्रशासनाने लोकांना समुद्रकिनाऱ्यावर जाण्यास मनाई केली होती. यूएईमधील हवामानातील अशा बदलांमुळे जगभरातील हवामानशास्त्रज्ञ आश्चर्यचकित झाले आहेत.