T-20 विश्वचषकापूर्वी ‘या’ संघाच्या अडचणी वाढल्या, कर्णधारासह 2 खेळाडूंचा अपघात

ICC T20 World Cup 2024: आयसीसी टी-20 विश्वचषकापूर्वी पाकिस्तान संघाचा त्रास कमी होण्याची चिन्हे दिसत नाहीत. आयसीसी टी-20 विश्वचषक यंदा होणार आहे. मात्र आयसीसीच्या या मोठ्या स्पर्धेपूर्वी पाकिस्तानच्या कर्णधारासह दोन खेळाडूंचा अपघात झाला आहे. त्यामुळे खेळाडू जखमी झाले आहेत. या घटनेने करोडो चाहत्यांना मोठा धक्का बसला आहे. पाकिस्तान क्रिकेट संघासाठी हा धक्का कमी नाही. दोन्ही खेळाडूंची प्रकृती धोक्याबाहेर असल्याचे वृत्त असले तरी ते कधी बरे होतील याबाबत अद्याप काहीही सांगता येणार नाही. आयसीसी टी-20 विश्वचषकापूर्वी पाकिस्तानला वेस्ट इंडिजविरुद्धही मालिका खेळायची आहे. हे दोन्ही घातक खेळाडू या मालिकेतूनही बाहेर राहू शकतात. 5 एप्रिलला संध्याकाळी खेळाडूंचा अपघात झाल्याचे सांगण्यात येत आहे. काय आहे हे संपूर्ण प्रकरण जाणून घेऊया.

Update on Pakistan women cricketers

Details here ⤵️ https://t.co/5ikAilMCN8

— PCB Media (@TheRealPCBMedia) April 5, 2024

खुद्द पीसीबीनेच या अपघाताची माहिती दिली आहे. ही बातमी समोर येताच पाकिस्तानच्या करोडो क्रिकेट चाहत्यांना मोठा धक्का बसला आहे. पीसीबीनुसार, ज्या दोन खेळाडूंच्या कारला अपघात झाला, त्यापैकी पहिली खेळाडू पाकिस्तान महिला क्रिकेट संघाची कर्णधार बिस्माह मारूफ आणि दुसरी खेळाडू लेगस्पिनर गुलाम फातिमा आहे. कार अपघातानंतर दोन्ही खेळाडू जखमी झाले असून, त्यांच्यावर प्राथमिक उपचार करून पीसीबीच्या वैद्यकीय पथकाच्या देखरेखीखाली ठेवण्यात आले आहे. पाकिस्तान महिला क्रिकेट संघाला 18 एप्रिलपासून वेस्ट इंडिजविरुद्ध पहिली 3 सामन्यांची एकदिवसीय मालिका आणि त्यानंतर 5 सामन्यांची टी-20 मालिका खेळायची आहे. या सामन्यात हे दोन खेळाडू नसल्यामुळे संघाच्या अडचणी मोठ्या प्रमाणात वाढल्या आहेत.

A setback for Pakistan as two key players sustain injuries following a minor car accident 👇https://t.co/MuPdocIEU7

— ICC (@ICC) April 6, 2024

T20 विश्वचषकापूर्वी धक्का
ICC महिला T-20 विश्वचषक 2024 सप्टेंबर आणि ऑक्टोबर महिन्यात बांगलादेशमध्ये आयोजित केला जाणार आहे. एकीकडे सर्व संघ या आयसीसी स्पर्धेच्या तयारीत व्यस्त आहेत, तर दुसरीकडे पाकिस्तान संघाचा कर्णधार जखमी झाला आहे. अशा परिस्थितीत हे दोन्ही खेळाडू लवकरात लवकर बरे होऊन वेस्ट इंडिजविरुद्ध खेळताना दिसावेत, अशी पाकिस्तानच्या करोडो चाहत्यांची इच्छा असेल. आता हे दोन दुखापतग्रस्त खेळाडू पुनरागमन करतात की नाही याकडे करोडो चाहत्यांच्या नजरा या मालिकेवर खिळल्या आहेत.