IPL 2022 च्या 14 व्या सामन्यात मुंबई इंडियन्स Mumbai Indians आणि कोलकाता नाइट रायडर्स Kolkata Knight Riders यांच्यात सामना होणार आहे. हा सामना आज 6 एप्रिलला पुण्यातील महाराष्ट्र क्रिकेट असोसिएशन स्टेडियमवर खेळवण्यात येणार आहे. या मोसमात आतापर्यंत मुंबई इंडियन्सला काही विशेष कामगिरी करता आलेली नाही. पहिले दोन सामने गमावल्यानंतर मुंबईचा संघ सध्या पॉइंट टेबलमध्ये 8व्या स्थानावर आहे.
We BELIEVE ????#OneFamily #DilKholKe #MumbaiIndians #KKRvMI MI TV pic.twitter.com/Lkr78rBOzc
— Mumbai Indians (@mipaltan) April 5, 2022
दुसरीकडे, कोलकाता नाइट रायडर्स 3 सामन्यांपैकी 2 सामने जिंकून दुसऱ्या स्थानावर आहे. हेड टू हेडबद्दल बोलायचे झाले तर मुंबई इंडियन्सचा वरचष्मा पाहायला मिळतो. या दोन संघांमध्ये आजवर एकूण 29 आयपीएल सामने खेळले गेले आहेत, ज्यामध्ये 22 सामने मुंबई इंडियन्सने जिंकले आहेत तर 7 सामने कोलकाताने जिंकले आहेत.
मुंबई इंडियन्सचा संघ – रोहित शर्मा (कर्णधार), इशान किशन (विकेटकीपर), सूर्यकुमार यादव, टिळक वर्मा, किरॉन पोलार्ड, टिम डेव्हिड, फॅबियन ऍलन, मुरुगन अश्विन, बेसिल थंपी, जसप्रीत बुमराह, टायमल मिल्स
कोलकाता नाईट रायडर्सचा संघ – अजिंक्य रहाणे, व्यंकटेश अय्यर, श्रेयस अय्यर (कर्णधार), सॅम बिलिंग्ज (विकेटकीपर), नितीश राणा, आंद्रे रसेल, सुनील नरेन, टिम साऊदी, उमेश यादव, वरुण चक्रवर्ती, शिवम मावी