IND vs AUS 2nd T20: ऑस्ट्रेलियाविरुद्धच्या तीन सामन्यांच्या टी-20 मालिकेतील पहिला सामना गमावल्यानंतर भारतीय संघाला आजचा सामना कोणत्याही परिस्थितीत जिंकायचा आहे. नागपूरच्या विदर्भ क्रिकेट असोसिएशन स्टेडियमवर संध्याकाळी 7 वाजता हा सामना सुरू होईल. टीम इंडियासाठी हा ‘करो या मरो’ चा सामना आहे. जिथे भारतीय संघ या सामन्यात मालिकेत बरोबरी करण्याच्या इराद्याने मैदानात उतरणार आहे. त्याचबरोबर ऑस्ट्रेलियन संघ मालिकेत अजेय आघाडी घेण्याचा प्रयत्न करेल.वेगवान गोलंदाज जसप्रीत बुमराहला प्लेइंग-11 मध्ये स्थान मिळाल्यास उमेश यादवला संघाबाहेर बसावे लागू शकते. उमेश यादवही गेल्या सामन्यात चांगलाच महागात पडला आहे. कॅमेरून ग्रीनने उमेश यादवच्या एका षटकात चार चौकार मारले.
आशिया चषक 2022 पासून आतापर्यंत भारतीय संघ अडचणीत आहे. कधी टीम इंडियाची मिडल ऑर्डर अडचणीची ठरत आहे तर कधी डेथ ओव्हर्सची गोलंदाजी अडचणीची बनली आहे. आजच्या सामन्यात टीम इंडियाला या कमकुवतपणा दूर करणे गरजेचे आहे. आजचा सामना हरल्यास टीम इंडियाला मालिकाही गमवावी लागेल. डेथ ओव्हर्समध्ये भुवनेश्वर कुमार भारतासाठी चांगलाच महागात पडत आहे. गेल्या तीन सामन्यात भुवनेश्वर कुमारने 19 व्या सामन्यात 49 धावा दिल्या, त्यामुळे सामना संघाच्या हातातून निसटला. याशिवाय गेल्या सामन्यात संघाच्या क्षेत्ररक्षणाने निराशा केली. केएल राहुल आणि अक्षर पटेल यांनी खूप सोपे झेल सोडले होते, त्यामुळे 208 धावा करूनही संघाला पराभवाला सामोरे जावे लागले. टीम इंडियाला मागील सामन्यातील चुका विसरून मैदानात उतरावे लागणार आहे.
भारताचा संघ – रोहित शर्मा (कर्णधार), केएल राहुल, विराट कोहली, सूर्यकुमार यादव, हार्दिक पंड्या, दिनेश कार्तिक, अक्षर पटेल, भुवनेश्वर कुमार, हर्षल पटेल, युझवेंद्र चहल, जसप्रीत बुमराह.
ऑस्ट्रेलियाचा संघ- अॅरॉन फिंच (क), जोस इंग्लिस, स्टीव्हन स्मिथ, ग्लेन मॅक्सवेल, मॅथ्यू वेड (विकेटकीपर), टिम डेव्हिड, कॅमेरॉन ग्रीन, अॅडम झाम्पा, पॅट कमिन्स, जोस हेझलवूड, नॅथन एलिस.