Curd and Honey combination: उन्हाळ्यात दही खाणे आरोग्यासाठी खूप चांगले मानले जाते. त्याचा कूलिंग इफेक्ट केवळ शरीराला थंड ठेवण्यास मदत करत नाही तर शरीराला अनेक फायदे देखील देतो. दही खाणे देखील पोटासाठी खूप चांगले मानले जाते कारण ते चांगले बॅक्टेरिया वाढवून पचन सुधारण्यास मदत करते.
काही लोक दहीमध्ये साखर मिसळून खातात तर काही लोक मीठ. पण जर कोणी दह्यात मध मिसळून खात असेल तर त्याला त्याचा अधिक फायदा होऊ शकतो. याचे कारण म्हणजे मधामध्ये भरपूर पोषक असतात आणि ते दह्यामध्ये मिसळून खाल्ल्याने त्यातील पोषक घटकांचे प्रमाण वाढते.
हार्वर्ड हेल्थच्या मते, मधामध्ये 17 टक्के पाणी, 31 टक्के ग्लुकोज आणि 38 टक्के फ्रक्टोज असते. यासोबतच यामध्ये झिंक, मॅंगनीज, कॅल्शियम, लोह, पोटॅशियम, जीवनसत्त्वे आणि अँटिऑक्सिडंट्सचे प्रमाण जास्त असते. असे म्हटले जाते की 1 चमचे मधामध्ये 64 कॅलरीज आणि 17.30 ग्रॅम कार्बोहायड्रेट्स असतात. जाणून घेऊयात दह्यात मध मिसळून खाण्याचे फायदे.
- मध आणि दही दोन्ही प्रोबायोटिक्समध्ये समृद्ध असतात, जे मुळात जिवंत बॅक्टेरिया आणि यीस्ट असतात. ते पचनास मदत करतात आणि पोटाचे आरोग्य चांगले ठेवतात. म्हणूनच उन्हाळ्यात प्रत्येकाला दही खाण्याचा सल्ला तज्ञ देतात. दह्याचे सेवन जेवणासोबत किंवा नाश्त्यात करता येत.
- दह्यामध्ये प्रथिने आणि कॅल्शियम मुबलक प्रमाणात आढळतात, त्यामुळे हे दोन पोषक घटक मिळून हाडे मजबूत होऊ शकतात. ज्या लोकांना हाडांचा त्रास आहे, अशा लोकांना दही आणि मध खाल्ल्याने फायदा होतो.
- दही आणि मधामध्ये व्हिटॅमिन सी आढळते, जे रोगप्रतिकारक शक्ती मजबूत करण्यास मदत करते. तुम्हाला माहिती असेल की कोरोना महामारीच्या काळात रोगप्रतिकारक शक्ती वाढवण्यासाठी व्हिटॅमिन सी असलेले पदार्थ खाण्याचा सल्ला देण्यात आला होता.
- उन्हाळ्यात अनेकदा लोकांची पचनक्रिया बरोबर नसते, त्यामुळे लोकांना हलके अन्न खाणे आवडते. पण जर कोणी उन्हाळ्यात रोज कोणत्या ना कोणत्या स्वरूपात दह्याचे सेवन केले तर त्याला पोटाशी संबंधित समस्या उद्भवणार नाहीत. आणि वजन कमी होण्यास देखील मदत होते.
- तज्ज्ञांचे म्हणणे आहे की, दही आणि मध एकत्र खाल्ल्याने काही आजारांवरही फायदा होतो. या आजारांमध्ये ऑस्टिओपोरोसिस, रक्त गोठणे, अतिसार, लठ्ठपणा, संधिवात, हृदय आणि रक्ताशी संबंधित आजारांचा समावेश होतो.