मुंबई – राज्यातील कोरोनाचा प्रादुर्भाव आटोक्यात येताना दिसत आहे. राज्यातील रुग्णसंख्या देखील दिवसेंदिवस कमी होताना दिसून येत आहे. आज राज्यात कोरोनामुळे एकही मृत्यू झालेला नाही. १ एप्रिल २०२० नंतर आज पहिल्यांदाच राज्यात एकाही मृत्यूची नोंद झालेली नाही. जवळपास दोन वर्षानंतर आज राज्यात कोरोनामुळे एकही मृत्यू झाला नाहीय. गेल्या २४ तासात राज्यात कोरोनाच्या ५४४ नव्या रुग्णांची नोंद झाली आहे. राज्यात गेल्या २४ तासात 1,००७ रुग्ण कोरोनामुक्त होऊन घरी परतले आहेत.
राज्यात आज ३८ ओमायक्रॉनबाधित रुग्णांची नोंद
राज्यात आज दिवसभरात ३८ ओमायक्रॉनबाधित रुग्णांची नोंद झालेली आहे. राज्यात आतापर्यंत ४७७१ ओमायक्रॉनबाधित रुग्णांची नोंद झाली आहे. त्यापैकी ४६२९ रुग्ण ओमायक्रॉनमुक्त झाले आहेत. तर सध्या राज्यात १०२ ओमायक्रॉनचे रुग्ण अॅक्टिव्ह आहेत.