28 ऑगस्ट रोजी होणाऱ्या आशिया चषक स्पर्धेत भारत-पाकिस्तान सामना जो जिंकेल तोच या आशिया चषकाचा विजेता ठरेल, असा विश्वास ऑस्ट्रेलियाचा माजी अष्टपैलू खेळाडू शेन वॉटसनने व्यक्त केला आहे. रविवारी दुबईमध्ये भारत आणि पाकिस्तान यांच्या आशिया चषक अ गटातील मोहिमेला क्रिकेट विश्वातील ‘सर्वात मोठी स्पर्धा’ पुन्हा सुरू होईल. गेल्या वर्षी संयुक्त अरब अमिरातीमध्ये झालेल्या T20 विश्वचषकात दोन्ही संघ आमनेसामने आल्यानंतरचा हा पहिलाच सामना असेल.
गेल्या वर्षीच्या T20 विश्वचषकातील सामन्यात पाकिस्तानने भारतावर 10 विकेट्स राखून विजय मिळवला होता. विश्वचषकातील त्यांचा हा पहिलाच विजय ठरला होता. शेन वॉटसन म्हणाला की, भारत-पाकिस्तान सामना खूप खास असणार आहे, कारण पाकिस्तानला आता खूप आत्मविश्वास आहे की ते या भारतीय संघाला पराभूत करू शकतात. मला वाटतं, जो कोणी हा सामना जिंकेल, तो पुढे जाईल आणि आशिया चषक जिंकेल.
वॉटसन पुढे म्हणाला, मला आत्ता वाटत आहे की भारत आशिया कप जिंकेल. त्यांच्याकडे खूप मजबूत फलंदाजी आहे, त्यामुळे त्यांना रोखणे कठीण होईल. गेल्या वर्षी आयसीसी T20 विश्वचषकाच्या सुपर 10 टप्प्यातून बाहेर पडल्यानंतर भारताने 24 पैकी 19 T20 सामने जिंकले आहेत. वॉटसन म्हणाला, भारत एक मजबूत संघ म्हणून आशिया चषकात उतरेल आणि भारतच आशिया चषक जिंकेल.