मुंबई – मुंबई-दहिसर महामार्गावर रस्ते अपघाताची एक थरारक घटना (terrible road accident) घडली आहे. याठिकाणी एका भरधाव ट्रकने एका संपूर्ण कुटुंबालाच चिरडलं (truck hits family) आहे. या भीषण अपघातामध्ये बहीण-भावाचा जागीच मृत्यू झाला (Brother and sister died on the spot) आहे. तर आई आणि मोठी मुलगी गंभीररित्या जखमी (Injured) झाले आहेत. दोघांचीही प्रकृती नाजूक असून त्यांच्यावर मुंबईतीमधील शताब्दी रुग्णालयामध्ये उपचार सुरू आहेत. शवविच्छेदनानंतर बहीण-भावावर अंत्यसंस्कार केले जात आहे.
मिळालेल्या माहितीनुसार, संबंधित कुटुंब हे मूळचे पंजाब येथील रहिवासी असून ते मुंबईमध्ये परत येत होते. दरम्यान त्यांच्यावर काळाने घाला घातला आहे. मुंबई दहिसर रस्त्यावरून जात असताना एका भरधाव ट्रकने या संपूर्ण कुटुंबालाच उडवलं आहे.
या दुर्दैवी घटनेमध्ये गुप्ता कुटुंबाचा एकुलत्या एक मुलाचा आणि त्याच्या बहिणीचा शेवट झाला आहे. ट्रकने धडक दिल्यामुळे मोठ्या प्रमाणात रक्तस्त्राव झाल्यामुळे बहीण-भावाचा जागीच मृत्यू झाला आहे. तर आई आणि मोठी मुलगी देखील गंभीर जखमी झाले असून त्यांच्यावर उपचार सुरू आहेत.