सोशल मीडियावर दररोज मनोरंजक व्हिडीओ शेअर होत असतात. सध्या सोशल मीडियावर अशाच एका घटनेची जोरदार चर्चा सुरू आहे. यात चोर त्याच्याच कारनाम्यात अडकलेला दिसून येत आहेत. आंध्र प्रदेशमधून समोर आलेल्या एका व्हिडीओमध्ये एक चोर चोरी करण्यासाठी खिडकी तोडून मंदिरामध्ये घुसला होता. मंदिरातून चोरी केल्यानंतर चोर बाहेर पडत असताना तो खिडकीतच अडकून बसला. हे दृश्य पाहणं फारच मनोरंजक आहे.
#AndhraPradesh के श्रीकाकुलम में श्री जानी येलम्मा मंदिर की खिड़की तोड़ घुसा चोर आभूषण चोरी करके वापस निकलने की कोशिश में खिड़की में अटका। #THIEF #CCTVFootage #ViralVideo pic.twitter.com/CYGvDMBdM4
— Veerendra Verma (@Veeren_Verma) April 6, 2022
सोशल मीडियावर सध्या व्हायरल होत असलेल्या या व्हिडीओमध्ये तुम्ही पाहू शकता की, काळ्या रंगाचे कपडे परिधान केलेला चोरटा मंदिराच्या खिडकीमधून बाहेर पडण्याचा प्रयत्न करत आहे. मीडिया रिपोर्ट्सनुसार, पापा राव असं या तरुणाचे नाव असून त्याला दारू पिण्याचे व्यसन आहे. चोरीच्या उद्देशाने तो खिडकी तोडून मंदिरामध्ये घुसला होता मात्र बाहेर येताना तो खिडकीतच अडकला. विचित्र स्थितीत अडकल्यानंतर तरुणाने गजर केला तेव्हा आजूबाजूचे लोक जमा झाले.
मंदिराच्या खिडकीजवळ पोहोचल्यावर तो तरुण खिडकीतून अर्धा बाहेर पडल्याचं लोकांनी पाहिले. ही परिस्थिती पाहता स्थानिक लोकांनी तरुणाला बाहेर काढून पोलिसांच्या ताब्यात दिले आहे. दारूचे व्यसन पूर्ण करण्यासाठी तो चोऱ्या करत असल्याचं पोलिसांनी सांगितलं आहे. मंदिरातील चोरीचे दागिने पोलिसांनी तरुणाकडून जप्त करण्यात आले आहेत.