भंडारा – ‘माय लास्ट लोकेशन इज माडगी ब्रीज’ असे व्हॉट्सअ‍ॅपवर स्टेटस WhatsApp Status ठेवल्यामुळे विद्यार्थ्याने टोकाचं पाऊल उचलल्याची भीती व्यक्त केली जात आहे. आयटीआय शिकणाऱ्या या विद्यार्थ्याने आत्महत्या ITI Student Suicide केल्याची भीती व्यक्त केली जात आहे. भंडारा जिल्ह्यामधील तुमसर येथे Tumsar Bhandara हा धक्कादायक प्रकार घडल्याची माहिती आहे.
परीक्षेच्या निकालात नापास झाल्यामुळे विद्यार्थ्याला नैराश्य आल्याचे बोलले जात आहे. पोलिसांना याची माहिती मिळताच पोलिसांनी विद्यार्थ्याची शोध मोहीम सुरू केली आहे. विद्यार्थ्याने उल्लेख केलेल्या माडगी पुलावर सायकल आणि जॅकेट आढळले आहे, मात्र 48 तास होऊनही विद्यार्थ्याचा शोध लागलेला नाही.
त्यामुळे संबंधित विद्यार्थ्याने आत्महत्या केला, की आत्महत्येचा बनाव केला आहे, हे अद्याप स्पष्ट झालेले नाही. मात्र मुलाच्या काळजीमुळे त्याच्या कुटुंबीयांना हुरहूर लागून राहिली आहे.