धक्कादायक! कर्नाटकात 20 वर्षीय तरुणाने वडिलांची हत्या करून मृतदेहाचे केले 32 तुकडे, असा झाला खुलासा

दिल्लीतील श्रद्धा हत्याकांडानंतर आता कर्नाटकातही असेच प्रकरण समोर आले आहे. राज्यातील बागलकोटमध्ये एका व्यक्तीने आपल्या वडिलांची हत्या करून मृतदेहाचे 32 तुकडे केल्याचा आरोप आहे. त्यानंतर त्याने हे तुकडे उघड्या बोअरवेलमध्ये फेकले. या प्रकरणाची माहिती मिळाल्यानंतर पोलिसांनी अर्थ मूव्हर्सच्या मदतीने मृतदेह ताब्यात घेतला. विठ्ठला कुलाली असे आरोपीचे नाव आहे. त्याला अटक करून न्यायालयीन कोठडी सुनावण्यात आली आहे.

मिळालेल्या माहितीनुसार, ही घटना 6 डिसेंबरची आहे. आरोपीचे वय सुमारे 20 वर्षे आहे. रागाच्या भरात त्याने त्याचे वडील परशुराम कुलाली (53) यांची लोखंडी रॉडने हत्या केली. दारूच्या नशेत परशुराम शिवीगाळ करायचे. त्यांची पत्नी आणि मोठा मुलगा वेगळे राहतात. गेल्या आठवड्यात मंगळवारीही मद्यधुंद अवस्थेत वडिलांनी शिवीगाळ करण्यास सुरुवात केल्यावर आरोपीने रागाच्या भरात लोखंडी रॉडने वडिलांची हत्या केल्याचे सांगितले जात आहे.

मीडिया रिपोर्ट्सनुसार, हत्येनंतर आरोपींनी वडिलांच्या मृतदेहाचे 32 तुकडे केले. त्यानंतर त्याने बागलकोट जिल्ह्यातील मुधोल या शहराच्या बाहेरील मंतूर बायपासजवळील त्याच्या शेतातील एका उघड्या बोअरवेलमध्ये शरीराचे अवयव फेकून दिले.

यापूर्वी दिल्लीत अशाच दोन घटना समोर आल्या आहेत. दिल्लीत श्रद्धा नावाच्या मुलीची हत्या केल्यानंतर आफताबने तिच्या मृतदेहाचे अनेक तुकडे करून जंगलात फेकून दिले. दुसरीकडे, दिल्लीत एका महिलेने आपल्या मुलासह पतीची हत्या करून मृतदेहाचे अनेक तुकडे केले. अनेक महिन्यांपासून या दोन्ही खुनाचा पोलिसांनी पर्दाफाश करून आरोपींना तुरुंगात टाकले.