26 वर्षे जुन्या प्रकरणात या लोकप्रिय अभिनेत्याला 2 वर्षांची शिक्षा; जाणून घ्या काय आहे प्रकरण

अभिनेते आणि काँग्रेसचे नेते राज बब्बर यांना एमपी एमएलए कोर्टाकडून दोन वर्षांची शिक्षा सुनावण्यात आली आहे. तसेच त्यांना कोर्टाने ८५०० रुपयांचा दंडही ठोठावला. तुरुंगवासाची शिक्षा सुनावल्यानंतर काही वेळातच त्यांना प्रत्येकी 20 हजार रुपयांचे दोन जामीन आणि वैयक्तिक जातमुचलक्यावर जामीन देण्यात आला.

राज बब्बर यांच्यावर सरकारी कामात अडथळा आणि मारहाणीच्या प्रकरणात दोषी ठरवण्यात आलं. शिक्षा सुनावली त्यावेळी राज बब्बर कोर्टामध्ये हजर होते. 2 मे 1996 रोजी मतदान अधिकाऱ्याने वजीरगंजमध्ये त्यांच्याविरोधात तक्रार नोंदवली होती.

राज बब्बर त्यावेळी समाजवादी पक्षाचे उमेदवार होते. मतदान अधिकाऱ्याला मारहाण केल्याचं ते प्रकरण होतं. दरम्यान राज बब्बर एका महिन्याच्या आत जिल्हा न्यायालयात या शिक्षेविरोधात अपील करू शकतात. एमपी एमएलए कोर्टाने राज बब्बर यांना दोन वर्षांची शिक्षा सुनावली आहे.

Breaking: MP-MLA court in Lucknow sentences Congress leader Raj Babbar to two years of imprisonment. The case was registered in May 1996 when he had assaulted an election officer.

— Rajgopal (@rajgopal88) July 7, 2022

संपूर्ण प्रकरण जाणून घ्या

हे प्रकरण 26 वर्षे जुने म्हणजे 1996 चे आहे. त्यावेळी राज बब्बर हे समाजवादी पक्षाचे उमेदवार होते. 2 मे 1996 रोजी मतदान अधिकारी श्री कृष्ण सिंह राणा यांनी वजीरगंज पोलीस ठाण्यात राज बब्बर आणि इतर अनेक लोकांविरुद्ध तक्रार नोंदवली होती. ज्यामध्ये राज बब्बर यांनी त्यांच्या समर्थकांसह मतदान केंद्रात घुसून ड्युटीवर असलेल्या अधिकाऱ्यांना गैरवर्तन आणि मारहाण केल्याचे म्हटले होते. याशिवाय बब्बर आणि त्यांच्या समर्थकांनी सरकारच्या कामात अडथळा आणल्याचेही त्यांनी सांगितले. या भांडणात अनेक पोलिंग एजंट जखमी झाले.

या प्रकरणाच्या तपासानंतर 23 मार्च 1996 रोजी राजब्बर यांच्याविरुद्ध कलम 143, 332, 353, 504, 323 आणि 188 अंतर्गत न्यायालयात आरोपपत्र दाखल करण्यात आले. ज्यावर न्यायालयाने आज म्हणजेच गुरुवारी निर्णय दिला आहे. तू राज बब्बरने 80 च्या दशकातील अनेक चित्रपटांमध्ये काम केले आहे. त्यानंतर 1989 मध्ये व्हीपी सिंह यांच्या नेतृत्वाखाली ते जनता दलात सामील झाले. त्यानंतर त्यांनी समाजवादी पक्षात प्रवेश केला.