सरकारच्या ‘या’ योजनेत मिळतंय सर्वाधिक व्याज, पैसे बुडण्याचा धोका नाही

जर तुम्ही आगामी काळात गुंतवणुकीचा विचार करत असाल आणि तुम्हाला भीती वाटत असेल की तुमचे गुंतवलेले पैसे बुडणार तर नाहीत ना. तुम्हाला काळजी करण्याची काहीच गरज नाही. तुम्ही तुमचे पैसे पोस्ट ऑफिसच्या स्मॉल सेव्हिंग्ज स्कीममध्ये गुंतवू शकता. यामध्ये तुमचे सर्व पैसे सुरक्षित आहेत. यासोबतच चांगला परतावाही मिळतो. यापैकी एक म्हणजे सुकन्या समृद्धी योजना. या सरकारी योजनेत ग्राहकांना इतर सर्व योजनांच्या तुलनेत सर्वाधिक व्याज मिळत आहे. जाणून घेऊया सविस्तर

पैसे कोण गुंतवू शकतात?

पोस्ट ऑफिसच्या सुकन्या समृद्धी Sukanya Samriddhi Scheme योजनेअंतर्गत, एक पालक 10 वर्षांपेक्षा कमी वयाच्या मुलीच्या नावावर खाते उघडू शकतो. या योजनेत, भारतातील कोणत्याही पोस्ट ऑफिस किंवा बँकेत मुलीच्या नावाने फक्त एकच खाते उघडता येते. हे खाते कुटुंबातील जास्तीत जास्त दोन मुलींसाठीच उघडता येते. जुळ्या किंवा तिहेरी मुलींच्या बाबतीत, दोनपेक्षा जास्त खाती उघडता येतात.

व्याज दर

सध्या सुकन्या समृद्धी योजनेत 7.6 टक्के दराने व्याज मिळत आहे. हा व्याजदर 1 एप्रिल 2020 पासून लागू झाला आहे. या योजनेत, व्याजाची गणना आणि वार्षिक आधारावर चक्रवाढ केली जाते.

गुंतवणूक रक्कम

या पोस्ट ऑफिस योजनेमध्ये, गुंतवणूकदार एका आर्थिक वर्षात किमान 250 रुपये आणि जास्तीत जास्त 1.5 लाख रुपये गुंतवू शकतो. यानंतर 50 रुपयांच्या पटीत गुंतवणूक करता येते. ठेव एकरकमी केली जाऊ शकते. एका महिन्यात किंवा आर्थिक वर्षात ठेवींच्या संख्येवर कोणतीही मर्यादा नाही.

कर सूट

सुकन्या समृद्धी योजनेत जमा केलेल्या रकमेवर आयकर कायद्याच्या कलम 80C अंतर्गत वजावट मिळू शकते. या पोस्ट ऑफिस योजनेत, खाते उघडल्याच्या तारखेपासून 21 वर्षांनी रक्कम परिपक्व होईल. याशिवाय मुलीचे वय 18 वर्षे झाल्यानंतर ती लग्नाच्या वेळी पैसेही काढू शकते.

सुकन्या समृद्धी योजनेत, खाते उघडल्यानंतर पाच वर्षांनी मॅच्युरिटीपूर्वी पैसे काढता येतात. या योजनेत खातेदाराच्या मृत्यूनंतर पैसे काढता येतात. याशिवाय खातेदाराच्या जीवाला धोका निर्माण करणारा कोणताही आजार असला तरीही पैसे काढता येतात.

Join our WhatsApp Group, Instagram, Facebook Page and Twitter for every update