KL Rahul-Athiya Shetty Wedding: चित्रपट अभिनेत्री अथिया शेट्टी आणि क्रिकेटर केएल राहुल कायमचे एकमेकांचे झाले आहेत. चित्रपट आणि क्रीडा जगतातील या दोन स्टार्सनी सुनील शेट्टी यांच्या खंडाळा येथील फार्महाऊसवर एकमेकांशी लग्न केले. दोघांनी सात फेरे घेऊन एकमेकांच्या सोबत राहण्याची शपथ घेतली. लग्नानंतर दोघांचे पहिले फोटो समोर आले आहेत, ज्यामध्ये दोन्ही स्टार्स इतके क्यूट दिसत आहेत की चाहते त्यांच्यापासून नजर हटवू शकत नाहीत. तर दुसरीकडे नवऱ्यासोबत सात फेरे घेतल्याचा आनंद नववधू बनलेल्या अथियाच्या चेहऱ्यावर स्पष्ट दिसत आहे. काही मिनिटांपूर्वी अथिया शेट्टीने तिच्या अधिकृत इंस्टाग्राम हँडलवर तिच्या लग्नाचे पहिले फोटो शेअर केले होते. ज्यामध्ये दोघांना एकत्र बघून लोक खुश झाले याऐत. पहिल्या फोटोत, अथिया मंडपामध्ये बसून किती आनंदी आहे हे तुम्ही स्पष्टपणे पाहू शकता. त्याचवेळी मैत्रीतून सुरू झालेल्या या प्रेमकथेचा अखेर प्रेमात रुपांतर झालं. त्यामुळे दोघांच्या चेहऱ्यावर प्रेमाची चमक स्पष्ट दिसत आहे.
अथियाने फोटो केले शेअर
दोघांच्या लग्नाचे फोटो सोशल मीडियावर खूप व्हायरल होत आहेत. त्याचवेळी, एका फोटोमध्ये दोघेही हाताला धरून सात फेरे घेताना दिसत आहेत. तर, दोन्ही फोटोंमध्ये केएल राहुल अथियाच्या हाताचे चुंबन घेताना दिसत आहे. या दोघांच्या फोटोवर लोक प्रेमाचा वर्षाव करत आहेत.
View this post on Instagram
याशिवाय सुनील शेट्टी आणि अहान शेट्टीने लग्नाच्या ठिकाणाबाहेर पापाराझींसाठी पोज दिली. यादरम्यान पिता-पुत्राची जोडी अप्रतिम दिसत होती. सुनील शेट्टी राखाडी शेरवानीमध्ये खूप सुंदर दिसत होता, तर अहान शेट्टी क्रीम रंगाच्या शेरवानीमध्ये दिसत होता.