रिलायन्स जिओ येत्या काही महिन्यांत नवीन जिओ फोन लॉन्च करू शकते. मागील जिओ फोनच्या तुलनेत आगामी जिओ फोन खूप वेगळा आणि खास असणार आहे. नवीन Jio Phone हा 5G स्मार्टफोन असणार आहे. Jio ने जेव्हा पहिला Jio फोन लॉन्च केला होता तेव्हा हा देशातील सर्वात स्वस्त स्मार्टफोन असल्याचं म्हटलं जात होतं. आता आगामी JioPhone 5G हा देशातील सर्वात स्वस्त 5G स्मार्टफोन असू शकतो.
रिलायन्स जिओच्या आगामी फोनची लाईव्ह इमेज लीक झाली आहे. लीक झालेल्या फोटोमध्ये स्मार्टफोनचा मागील बाजूचा पॅनल दिसत आहे. इमेजसोबतच JioPhone 5G च्या फीचर्सची माहिती समोर आली आहे. आम्ही तुम्हाला JioPhone 5G बद्दल तपशीलवार सांगतो…
Jio Phone 5G लाँचची तारीख
एका ट्विटर युजरने JioPhone 5G ची लाईव्ह फोटो इमेज शेअर केली आहे. असे सांगण्यात आले आहे की Jio चा नवीन फोन यावर्षी दिवाळी आणि नवीन वर्षाच्या दरम्यान लॉन्च केला जाऊ शकतो. JioPhone 5G ची किंमत 10 हजार रुपयांपेक्षा कमी असू शकते. जर Jio Phone 5G या किमतीच्या रेंजमध्ये लॉन्च झाला तर तो सर्वात स्वस्त 5G स्मार्टफोन बनू शकतो.
Jio Phone 5G first look ✅#Jio #JioPhone #5G pic.twitter.com/aYrFLQAHDO
— Abhishek Yadav (@yabhishekhd) June 22, 2023
JioPhone 5G च्या नवीनतम लीक्सनुसार, या स्मार्टफोनमध्ये Unisoc 5G किंवा MediaTek Dimensity 700 प्रोसेसर असू शकतो. यामध्ये ग्राहकांना ड्युअल कॅमेरा सेटअप मिळू शकतो. यात 13 मेगापिक्सल्सचा प्राथमिक कॅमेरा तर दुसरा कॅमेरा 2 मेगापिक्सेलचा असू शकतो. यात सेल्फी आणि व्हिडिओ कॉलिंगसाठी 5MP कॅमेरा असू शकतो.
डिझाईनबद्दल बोलायचे तर ते प्लास्टिकच्या बॉडी फ्रेममध्ये येऊ शकते. डिस्प्ले वॉटर ड्रॉप नॉचमध्ये येऊ शकतो. नवीन Jio Phone 5G इतर कमी बजेट स्मार्टफोनसारखा दिसतो. लीकमध्ये Jio Phone 5G चे नेटवर्क आणि डेटा स्पीड देखील समोर आले आहे. फोटोमध्ये Jio 5G नेटवर्क स्पष्टपणे दिसू शकते. JioPhone 5G ला डाउनलोडिंग स्पीड 470mbps आणि अपलोडिंग स्पीड 34Mbps मिळेल.
JioPhone 5G ची वैशिष्ट्ये
- Jio Phone 5G मध्ये ग्राहकांना 6.5-इंचाचा HD Plus LCD डिस्प्ले मिळू शकतो.
- डिस्प्लेमध्ये एक IPS पॅनेल असेल ज्यामध्ये 90Hz चा रिफ्रेश दर दिला जाऊ शकतो.
- Jio Phone 5G क्वालकॉम स्नॅपड्रॅगन 480+ प्रोसेसरसह लॉन्च केला जाऊ शकतो.
- Jio Phone 5G मध्ये तुम्हाला 4GB RAM आणि 8GB RAM चे दोन पर्याय मिळू शकतात.
- यामध्ये 4GB सह 64GB आणि 6GB स्टोरेजसह 64GB दिले जाऊ शकते.
- स्टोरेज वाढवण्यासाठी त्यात मायक्रोएसडी कार्ड स्लॉट मिळू शकतो.
- JioPhone 5G मध्ये ग्राहकांना 5000 mAh ची बॅटरी दिली जाऊ शकते. यामध्ये 18W चे फास्ट चार्जिंग सपोर्ट केले जाऊ शकते.