अनेकांना घरात पाळीव प्राणी पाळण्याचा छंद असतो. परंतु हे प्राणी जेवढे प्रेमळ असतात तेवढेच काही वेळा ते धोकादायक देखील ठरतात. अशीच एक घटना अमेरिकेमधून समोर आली आहे. येथे शिकारीला निघालेला व्यक्तीचा पाळीव कुत्र्याने गोळी झाडल्यामुळे मृत्यू झाल्याची धक्कादायक घटना घडली आहे.
समोर आलेल्या माहितीनुसार, मृत व्यक्ती शिकार करण्यासाठी आपल्या कारमधून रायफल आणि आपल्या पाळीव कुत्र्यासोबत गेला होता. या दरम्यान कुत्र्याने चुकून कारमध्ये ठेवलेल्या रायफलवर पाय ठेवला. त्यामुळे रायफलमधून गोळी निघाली आणि मालकाला लागली. या घटनेमध्ये मालक जागीच कोसळला आणि त्याचा तिथेच मृत्यू झाला.