गुजरातमधील मोरबी येथे झालेल्या वेदनादायक अपघातानंतर कर्नाटकातून धक्कादायक घटना समोर आली आहे. कर्नाटकातील चित्रदुर्ग जिल्ह्यात एका 12 वर्षीय मुलाचा नाटकाच्या तालीम दरम्यान मृत्यू झाला आहे. मुलाच्या मृत्यूनंतर त्याच्या कुटुंबावर शोककळा पसरली आहे. याशिवाय आजूबाजूच्या लोकांनाही या अपघातानंतर धक्का बसला आहे.
मीडियामध्ये आलेल्या माहितीनुसार, संजय गौडा असे मृत मुलाचे नाव आहे. संजय हा खासगी शाळेत इयत्ता सातवीचा विद्यार्थी होता. या प्रकरणाची माहिती देताना पोलिसांनी सांगितले की, भगतसिंग यांच्या फाशीचा एक सीन संजयच्या शाळेत दाखवण्यात येणार होता. संजय शाळेत भगतसिंगची भूमिका साकारणार होता. ज्यासाठी तो रिहर्सल करत होता.
घरी रिहर्सल करताना जीव गेला
पोलिसांनी सांगितले की, भगतसिंगची व्यक्तिरेखा चांगल्या प्रकारे साकारण्यासाठी तो घरातच भगतसिंगला फाशी देण्याचा सराव करत होता. सरावाच्या वेळी त्याने स्टूल लावला आणि गळ्यात फास घातला, त्यामुळे त्याचा मृत्यू झाला. पोलिसांनी दिलेल्या माहितीनुसार, अपघाताच्या वेळी मुलगा घरात एकटाच होता. संजयचे कुटुंबीय घरी परतले तेव्हा त्यांना धक्काच बसला. त्यांना मुलगा संजय पंख्याला लटकलेल्या अवस्थेत आढळला.
पोलीस या प्रकरणाचा तपास करत आहेत
पोलिसांनी सांगितले की, मुलाचे आई-वडील पंख्यावरुन मुलाचा मृतदेह काढून रुग्णालयात पोहोचले होते. मात्र, डॉक्टरांनी त्यांना मृत घोषित केले. त्याचवेळी या घटनेचा तपास सुरू असल्याचे पोलिसांनी सांगितले.