राज्यातील सातारा जिल्ह्यात भाजपच्या माजी आमदाराच्या घरातून एका महिलेचा विकृत मृतदेह सापडला आहे. भाजपच्या माजी आमदार कांता नलवडे यांचा हा बंगला बऱ्याच दिवसांपासून बंद पडला होता. कुटुंबीय बंगल्याच्या मागील बाजूची साफसफाई करत असताना हे लक्षात आले. त्यानंतर पोलिसांना याबाबत माहिती देण्यात आली. पोलीस आता या प्रकरणाचा तपास करत आहेत. मिळालेल्या माहितीनुसार, कुटुंबातील सदस्य अधूनमधून येथे राहण्यासाठी येत असत.
पोलिसांनी दिलेल्या माहितीनुसार, या बंगल्यात कुटुंबीय क्वचितच राहायला येतात. एका पोलीस अधिकाऱ्याने सांगितले की, “बंगल्याच्या मागच्या अंगणात एका महिलेचा अर्धवट पुरलेला मृतदेह सापडला आहे.” शुक्रवारी कुटुंबीय साफसफाईसाठी तेथे पोहोचले असता त्यांना हा मृतदेह दिसला.
पोलिसांनी दिलेल्या माहितीनुसार, कुटुंबीयांनी तत्काळ पोलिसांना माहिती दिली. तपास सुरू केल्यानंतर मृतदेहाची ओळख पटवली जात आहे. सातारा जिल्ह्याचे पोलिस अधीक्षक समीर शेख म्हणाले, “आम्ही बंगला संकुलातून एका महिलेचा कुजलेला मृतदेह ताब्यात घेतला आहे. आम्ही सर्व संभाव्य कोनातून प्रकरणाचा तपास करत आहोत. लवकरच मृतदेहाची ओळख पटवली जाईल, असे ते म्हणाले.