मुंबई – वरळी सी फेसवरून एक धक्कादायक घटना समोर आली आहे. दोन वेगवेळ्या ठिकाणी दोन तरुणांचा मृतदेह आढळून आल्याची धक्कादायक घटना समोर आली आहे. त्यामुळे आता या परिसरात खळबळ उडाली आहे. काल (१३ मार्च) सकाळी ८:३० च्या सुमारास वरळी सीफेसला एक मृतदेह आढळून आला आहे. या तरुणाचे वय अंदाजे ३० ते ४० आहे.
या तरुणाची ओळख अद्याप पटली नाहीय. पोलीसांकडून त्याच्या नातेवाईकांचा शोध घेण्यात येत आहे. या तरुणावर नायर रुग्णालयामध्ये शवविच्छेदन करण्यात आले आहे. तर दुसरीकडे कोस्टल रोडचे काम सुरू असलेल्या ठिकाणी एका कामगाराने झाडाला गळफास घेऊन आत्महत्या केल्याची माहिती सूत्रांकडून देण्यात आली आहे.
Two unidentified bodies recovered from Worli with one found hanging from a tree and the other one found near Worli sea face. Bodies sent for post mortem. Cases registered under Accidental Death Report: Worli Police, Maharashtra (13.03)
— ANI (@ANI) March 14, 2022
त्यांच्या आत्महत्येचे कारणही समोर आलेलं नाही. गळफास घेणारा मृत तरुण हा त्याच ठिकाणी कामगार म्हणून काम करत असल्याची माहिती सांगण्यात येतं आहे. या प्रकरणी वरळी पोलीस ठाण्यामध्ये अपघाती मृत्यूची नोंद करण्यात आली असून पोलिसांकडून अधिक तपास सुरू आहे.