श्रीनगरमध्ये दहशतवादी हल्ला, पंजाबमधील एका व्यक्तीचा मृत्यू

श्रीनगरमधील शहीदगंज भागात दहशतवाद्यांनी गोळीबार केला. ज्यामध्ये एका व्यक्तीचा मृत्यू झाला.

देश-विदेश
By Team Inside Marathi
WhatsApp Group

जम्मू-काश्मीरच्या श्रीनगरमध्ये दहशतवादी हल्ल्याची बातमी समोर आली आहे. येथे दहशतवाद्यांनी पंजाबमधील रहिवाशाची गोळ्या झाडून हत्या केली. या हल्ल्यात आणखी एक जण गंभीर जखमी झाला आहे. अमृतसर येथील अमृतपाल सिंग असे मृताचे नाव असून तो पंजाबचा रहिवासी आहे. दहशतवाद्यांनी त्याच्यावर जवळून एके रायफलने गोळ्या झाडल्याचं सांगण्यात येत आहे.

श्रीनगरमधील शहीदगंज भागात हल्ला झाला

मिळालेल्या माहितीनुसार, अमृतपालवर हल्ला श्रीनगरच्या शहीदगंज भागात झाला. या गोळीबारानंतर सुरक्षा दलांनी परिसराला वेढा घातला आहे. या अपघातात जखमी झालेल्या व्यक्तीचे नाव 25 वर्षीय रोहित आहे. तो अमृतसरचा रहिवासीही आहे. त्याच्यावर एसएमएचएस रुग्णालयात उपचार सुरू आहेत.

काश्मीर झोन पोलिसांच्या म्हणण्यानुसार, “दहशतवाद्यांनी शहीद गंज श्रीनगरमध्ये अमृतसरचा रहिवासी असलेल्या अमृतपाल सिंग या स्थानिक नसलेल्या व्यक्तीवर गोळीबार केला. त्याचा मृत्यू झाला. या अपघातात आणखी एक जण गंभीर जखमी झाला आहे. त्याला उपचारासाठी नेण्यात आले आहे. परिसराची नाकेबंदी करण्यात आली आहे. “आणखी माहिती दिली जाईल.”

हेही वाचा – IND vs ENG: टीम इंडियाला आणखी एक झटका; तिसऱ्या कसोटी सामन्यातूनही विराट कोहली बाहेर!