जम्मू-काश्मीरमध्ये भीषण अपघात, प्रवासी कॅब खड्ड्यात पडल्याने 10 जणांचा मृत्यू

0
WhatsApp Group

जम्मू-काश्मीरमधून मोठी बातमी समोर येत आहे. येथे शुक्रवारी जम्मू-श्रीनगर राष्ट्रीय महामार्गावर झालेल्या भीषण अपघातात 10 जणांचा मृत्यू झाला. रामबन परिसरात हा अपघात झाला. अपघाताची माहिती मिळताच पोलीस, एसडीआरएफ आणि रामबन सिव्हिल क्यूआरटीचे पथक घटनास्थळी पोहोचले आणि बचावकार्य सुरू केले. टॅक्सी खोल खड्ड्यात पडल्याने हा अपघात झाला. ही कॅब जम्मूहून श्रीनगरला जात होती.

केंद्रीय मंत्री डॉ जितेंद्र सिंह म्हणाले की, पोलीस, एसडीआरएफ आणि सिव्हिल क्यूआरटी घटनास्थळी पोहोचले आहेत. बचावकार्य सुरू आहे. मी सतत संपर्कात असल्याचे त्यांनी सांगितले.

बचावकार्य सुरू आहे
जम्मू-काश्मीर पोलिसांनी सांगितले की, जम्मू-श्रीनगर राष्ट्रीय महामार्गावर रामबन भागातील बॅटरी चष्माजवळ एक प्रवासी टॅक्सी खोल दरीत कोसळली. या माहितीवरून पोलीस, एसडीआरएफ आणि सिव्हिल क्यूआरटी रामबनचे पथक घटनास्थळी पोहोचले. बचावकार्य सुरू आहे.

कॅब चालकाचा मृत्यू
घटनास्थळी मुसळधार पाऊस पडत आहे. या दरम्यान सर्व 10 मृतदेह बाहेर काढण्यात आले आहेत. मृतांमध्ये कॅब चालक बलवान सिंग (47 , रा. अंब घ्रोटा, जम्मू) आणि विपिन मुखिया भैरगंग, रा. पश्चिम चंपारण, बिहार यांचा समावेश आहे.