पुणे-नाशिक महामार्गावरील भीषण अपघात झाला आहे. महामार्गावरील राजगुरुनगरजवळ असणाऱ्या शिरोली परिसरामध्ये सोमवारी मध्यरात्री हा अपघात झाला. या घटनेमध्ये भरधाव वेगात जाणाऱ्या अज्ञात वाहनाने रस्ता ओलांडणाऱ्या महिलांच्या एका घोळक्याला जोरदार धडक दिली. पुणे– नाशिककडे जाणाऱ्या लेनवर रात्री 11च्या दरम्यान हा अपघात झाला.
या अपघातात 5 महिलांचा मृत्यू झाला असून तर 17 महिला जखमी झाल्या आहेत. जखमींना जवळच्या रुग्णालयात दाखल करण्यात आलं आहे. याप्रकरणी पोलिसांकडून अज्ञात वाहनचालकाविरोधात गुन्हा दाखल करण्यात आला आहे. पोलीस चालकाचा शोध घेत आहेत.