मुंबई – बोर्डाने जाहीर केलेल्या वेळापत्रकानुसार आता दहावीच्या व बारावीच्या परीक्षा पुढील महिन्यात पार पडणार आहेत. वेळापत्रकानुसार बारावीची परीक्षा 4 मार्चपासून सुरू होणार आहे. तर त्यानंतर दहावीची परीक्षा ही (SSC board exam )15 मार्चपासून सुरू होणार आहे. दरम्यान आता दहावी परीक्षेसाठी हॉल तिकीट 18 फेब्रुवारीला दुपारी एक वाजल्यानंतर ऑनलाईन उपलब्ध होणार आहे. हॉल तिकीट बोर्डाच्या संकेतस्थळावर ऑनलाइन उपलब्ध केले जाणार आहे.
दहावी बोर्डाचे ऑनलाइन हॉल तिकीट हे www.mahahsscboard.in या संकेतस्थळावरून मिळणार आहे. ऑनलाइन हॉल तिकीट हे शाळेतून प्रिंट करून आणि त्यावर मुख्याध्यापकांची सही, शिक्का मारून विद्यार्थ्यांना दिले जाणार आहे. दरम्यान हॉल तिकीट ऑनलाइन पद्धतीने प्रिंटिंग करत असताना विद्यार्थ्याकडून त्यासाठी कोणतेही शुल्क न आकारता सदर हॉल तिकीटची प्रिंट काढून त्यावर मुख्याध्यापक, आणि प्राचार्यांचा शिक्का मारून स्वाक्षरी करावी अशा सूचना सर्व शाळांना देण्यात आल्या आहेत.
हॉलतिकिट कसे कराल डाऊनलोड – डाऊनलोड करण्यासाठी पहिल्यांदा तुम्ही वापरत असलेल्या इंटरनेट ब्राऊजरमधून www.mahahsscboard.in या संकेत स्थळावर जा. नंतर College login या पर्यायावर जाऊन तुम्ही त्याठिकाणी हॉल तिकीट ऑनलाइन डाउनलोड करु शकता.
दहावीच्या परीक्षेचे सविस्तर वेळापत्रक-
- प्रथम भाषा (मराठी, हिंदी उर्दू, गुजराती आणि इतर प्रथम भाषा) – 15 मार्च
- द्वितीय वा तृतीय भाषा – 16 मार्च
- इंग्रजी – 19 मार्च
- हिंदी ( द्वितीय किंवा तृतीय भाषा) – 21 मार्च
- संस्कृत, उर्दू ,गुजराती व इतर द्वितीय वा तृतीय विषय (द्वितीय किंवा तृतीय भाषा) – 22 मार्च
- गणित भाग – 1 – 24 मार्च
- गणित भाग 2 – 26 मार्च
- विज्ञान आणि तंत्रज्ञान भाग 1 – 28 मार्च
- विज्ञान आणि तंत्रज्ञान भाग 2 – 30 मार्च
- सामाजिक शास्त्र पेपर 1 – 1 एप्रिल
- सामाजिक शास्त्र पेपर 2 – 4 एप्रिल