भारतीय संघ 8 ऑक्टोबर रोजी एकदिवसीय विश्वचषक 2023 मध्ये ऑस्ट्रेलियाविरुद्ध पहिला सामना खेळणार आहे. त्याचवेळी, 5 ऑक्टोबरपासून सुरू होणाऱ्या क्रिकेटच्या महाकुंभाच्या अगदी आधी टीम इंडियाला ऑस्ट्रेलियाविरुद्ध घरच्या मैदानावरही तीन सामन्यांची वनडे मालिका खेळायची आहे. ही मालिका टीम इंडियासाठी विश्वचषकापूर्वी तयारी करण्याची शेवटची संधी असेल. 22 ते 27 सप्टेंबर दरम्यान कांगारू संघ भारतात टीम इंडिया विरुद्ध तीन सामन्यांची वनडे मालिका खेळणार आहे. त्याच वेळी, 19 नोव्हेंबर रोजी विश्वचषक संपल्यानंतरही, ऑस्ट्रेलियन संघ भारतातच राहणार आहे आणि मिशन टी20 विश्वचषक 2024 मोहिमेचा भाग म्हणून पाच सामन्यांची टी-20 मालिका खेळणार आहे.
भारतीय क्रिकेट बोर्डाने मंगळवारी संध्याकाळी संपूर्ण वेळापत्रक जाहीर केले. त्यानुसार विश्वचषकापूर्वी टीम इंडिया 22, 24 आणि 27 सप्टेंबरला तीन एकदिवसीय सामने खेळणार आहे. ज्या ठिकाणी विश्वचषक सामन्यांचे यजमानपद मिळालेले नाही, अशा ठिकाणी हे सामने ठेवण्यात आले आहेत. याशिवाय BCCI ने विश्वचषकानंतर ऑस्ट्रेलियाच्या पाच सामन्यांच्या T20 मालिकेचे वेळापत्रक जाहीर केले आणि जानेवारी-फेब्रुवारीमध्ये भारताच्या अफगाणिस्तान आणि इंग्लंड दौऱ्याचे वेळापत्रकही जाहीर केले.
NEWS – BCCI announces fixtures for International Home Season 2023-24.
The Senior Men’s team is scheduled to play a total of 16 International matches, comprising 5 Tests, 3 ODIs, and 8 T20Is.
More details here – https://t.co/Uskp0H4ZZR #TeamIndia pic.twitter.com/7ZUOwcM4fI
— BCCI (@BCCI) July 25, 2023
ऑस्ट्रेलियासोबत सामने
IND vs AUS, पहिली एकदिवसीय – 22 सप्टेंबर, (मोहाली)
IND vs AUS, दुसरी एकदिवसीय – 24 सप्टेंबर, (इंदौर)
IND vs AUS, तिसरी एकदिवसीय – 27 सप्टेंबर, (राजकोट)
(टीप: हे सर्व सामने भारतीय वेळेनुसार दुपारी 1.30 वाजता सुरू होतील)
वर्ल्ड कपनंतर टीम इंडियाचे पूर्ण वेळापत्रक
ऑस्ट्रेलिया T20 मालिका
पहिला T20 – 23 नोव्हेंबर, विशाखापट्टणम
दुसरा T20 – 26 नोव्हेंबर, तिरुवनंतपुरम
तिसरा T20 – 28 नोव्हेंबर, गुवाहाटी
चौथा T20 – 1 डिसेंबर, नागपूर
पाचवा T20 – 3 डिसेंबर, हैदराबाद
(सामने भारतीय वेळेनुसार संध्याकाळी 7 वाजता सुरू होतील)
भारताचा अफगाणिस्तान दौरा
पहिला T20 – 11 जानेवारी 2024, मोहाली
दुसरा T20 – 14 जानेवारी 2024, इंदूर
तिसरा T20 – 17 जानेवारी 2024, बेंगळुरू
भारताचा इंग्लंड दौरा
पहिली कसोटी – 25-29 जानेवारी 2024, हैदराबाद
दुसरी कसोटी – 2-6 फेब्रुवारी 2024, विशाखापट्टणम
तिसरी कसोटी – 15-19 फेब्रुवारी 2024, राजकोट
चौथी कसोटी – 23-27 फेब्रुवारी 2024, रांची
पाचवी कसोटी – 7-11 मार्च 2024, धर्मशाला