World Super League: भारतीय संघाने नुकत्याच संपलेल्या एकदिवसीय मालिकेत दक्षिण आफ्रिकेचा 2-1 असा पराभव करून मालिका जिंकली. त्याचबरोबर ही मालिका जिंकल्यानंतर भारतीय संघाला मोठा फायदा झाला आहे. टीम इंडियाने पुरूष वर्ल्ड सुपर लीगच्या गुणतालिकेत मोठी झेप घेतली आहे.
भारतीय संघ अव्वल स्थानी
दक्षिण आफ्रिकेविरुद्धच्या वनडे मालिकेतील पहिल्या सामन्यात भारताचा 9 धावांनी पराभव झाला. या पराभवानंतर विश्वचषक सुपर लीगच्या गुणतालिकेत सहाव्या क्रमांकावर पोहोचला होता, त्यावेळी त्याचे 109 गुण होते. त्याचवेळी, मालिकेतील शेवटच्या दोन सामन्यांमध्ये भारताने पुनरागमन करत दोन्ही सामने जिंकून मालिका 2-1 अशी खिशात घातली. हे दोन्ही सामने जिंकल्यानंतर टीम इंडियाने मोठी झेप घेतली असून वर्ल्ड कप सुपर लीगच्या पॉइंट टेबलमध्ये अव्वल स्थान पटकावले आहे.
दक्षिण आफ्रिकेविरुद्धचे शेवटचे दोन सामने जिंकल्यानंतर भारतीय संघाला 20 गुणांचा फायदा झाला आहे. हे दोन सामने जिंकल्यानंतर भारतीय संघाचे एकूण 129 गुण झाले आहेत. 129 गुणांसह भारतीय संघ आता या यादीत अव्वल स्थानावर पोहोचला आहे.
Here’s the latest update ICC men’s CWC super league standings
Team India top of this list ⬆️
.
.
.#StarzCric #icc #cwcsl pic.twitter.com/947LMh0B0R— StarzCric (@StarzCric) October 12, 2022
आयसीसीने दोन वर्षांपूर्वी एकदिवसीय सुपर लीग सुरू केली आहे. एकदिवसीय विश्वचषक स्पर्धेत एकूण 10 संघ सहभागी होतील, त्यापैकी 8 संघ सुपर लीगनंतर थेट पात्र ठरतील. ते सुपर लीगच्या गुणांच्या आधारे पात्र ठरेल. या लीगच्या गुणतालिकेत भारत 129 गुणांसह पहिल्या स्थानावर आहे, इंग्लंड 125 गुणांसह दुसऱ्या स्थानावर आहे आणि ऑस्ट्रेलिया गुणांसह तिसऱ्या स्थानावर आहे.