World Boxing Championships: स्वीटी बुरा बनली वर्ल्ड चॅम्पियन, चीनच्या वांग लीनाचा केला पराभव

खेळविश्व
By Team Inside Marathi
WhatsApp Group

Women’s World Championships 2023: भारताची स्टार बॉक्सर स्वीटी बोरा हिने शनिवारी जागतिक स्पर्धेत 81 किलो वजनी गटाच्या अंतिम फेरीत चीनच्या वांग लीनाचा पराभव करून सुवर्णपदक जिंकले. भारताचे हे एकाच दिवसातील दुसरे सुवर्णपदक आहे. याआधी नीतू घनघास (48 किलो) हिने जागतिक अजिंक्यपद स्पर्धेच्या अंतिम फेरीत मंगोलियाच्या लुत्सायखान अल्तानसेतसेगचा पराभव करून भारतासाठी पहिले सुवर्णपदक जिंकले. आता भारताच्या खात्यात दोन सुवर्णपदके आहेत. स्विटी बोरा आता वर्ल्ड चॅम्पियनशिपमध्ये सुवर्ण जिंकणारी भारताची 7वी खेळाडू ठरली आहे.

स्वीटी बोराने चीनच्या वांग लीनाचा 4-3 अशा फरकाने पराभव केला. संपूर्ण सामन्यात स्वीटी आणि वांग लीना यांच्यात गळचेपी होती पण नंतर भारतीय स्टारने चीनच्या वांग लीनाचा एका गुणाने पराभव केला. जागतिक चॅम्पियनशिपमध्ये भारतीय खेळाडूंनी एकाच दिवसात दोन सुवर्णपदके जिंकली ही भारतासाठी अभिमानाची बाब आहे. तत्पूर्वी, दुसर्‍या अंतिम सामन्यात राष्ट्रकुल क्रीडा स्पर्धेतील सुवर्णपदक विजेत्या नीतू घनघासने मंगोलियाच्या लुत्सैखान अल्तानसेतसेगचा 5-0 अशा फरकाने पराभव केला.

या खेळाडूंनी सुवर्णपदक पटकावले आहे

मेरी कोम (2002, 2005, 2006, 2008, 2010 आणि 2018), सरिता देवी (2006), जेनी आरएल (2006), लेखा केसी (2006), आणि निखत जरीन (2022) यांच्यानंतर नीतू घनघास आणि स्वीटी बोरा या सहावी आणि सातवी भारतीय खेळाडू ठरल्या आहेत. यांच्यानंतर सहावा आणि सातवा भारतीय खेळाडू ठरला आहे. नीतू आणि स्वीटीसह भारताच्या आणखी दोन स्टार बॉक्सरनेही या स्पर्धेच्या अंतिम फेरीत प्रवेश केला आहे. निखत जरीनने (50 किलो) रिओ ऑलिम्पिक कांस्यपदक विजेत्या कोलंबियाच्या इंग्रिड व्हॅलेन्सियाचा 5-0 असा पराभव केला तर लोव्हलिना बोर्गोहेनने (75 किलो) चीनच्या ली कियानचा 4-1 असा पराभव करून अंतिम फेरीत प्रवेश केला. तर स्वीटी बुराने (81 किलो) ऑस्ट्रेलियाच्या स्यू-एम्मा ग्रीनट्रीचा 4-3 असा पराभव करून अंतिम फेरीत प्रवेश केला.

भारताला आणखी 2 सुवर्ण जिंकण्याची संधी

अंतिम फेरीत निखतचा सामना दोन वेळचा आशियाई चॅम्पियन व्हिएतनामच्या गुयेन थी टॅमशी होणार आहे. रविवारी होणाऱ्या फायनलमध्ये लोव्हलिनाचा सामना ऑस्ट्रेलियाच्या कॅटलिन पार्करशी होणार आहे. एकूणच या स्पर्धेत भारताला अजून दोन सुवर्णपदके मिळू शकतात. या मोठ्या स्पर्धेत भारताच्या मुलींनी नेहमीच आपल्या देशाचे नाव उंचावले आहे.